લિબિયાના આર્મી ચીફનું પ્લેન ક્રેશમાં મોત:અન્ય 7 લોકો પણ માર્યા ગયા, તુર્કીમાં ઉડાન ભર્યાના 30 મિનિટ પછી અકસ્માત
પ્લેને ઇમરજન્સી લેન્ડિંગનો મેસેજ મોકલ્યો હતો
લિબિયાના વડાપ્રધાન અબ્દુલ-હામિદ દબૈબાએ ફેસબુક પર નિવેદન જારી કરીને જનરલ અલ-હદ્દાદ અને અન્ય અધિકારીઓના મૃત્યુની પુષ્ટિ કરી અને તેને દેશ માટે ખૂબ મોટું નુકસાન ગણાવ્યું.
તુર્કીના ગૃહમંત્રી અલી યરલીકાયાના જણાવ્યા અનુસાર, વિમાન સ્થાનિક સમય મુજબ રાત્રે લગભગ 8 વાગ્યે અંકારાના એસનબોગા એરપોર્ટ પરથી ઉડાન ભરી હતી અને થોડા સમય પછી સંપર્ક તૂટી ગયો હતો.
પ્લેને હાયમાના વિસ્તાર નજીક ઇમરજન્સી લેન્ડિંગનો સંકેત મોકલ્યો હતો, પરંતુ તે પછી કોઈ સંપર્ક થઈ શક્યો ન હતો.
અંકારા એરપોર્ટ અસ્થાયી રૂપે બંધ
સ્થાનિક ટીવી ચેનલો પર જાહેર કરાયેલા સીસીટીવી ફૂટેજમાં રાત્રિના આકાશમાં તેજ પ્રકાશ અને વિસ્ફોટ જેવું દ્રશ્ય જોવા મળ્યું હતું. વિમાનનો કાટમાળ અંકારાથી લગભગ 70 કિલોમીટર દક્ષિણમાં હાયમાના જિલ્લાના એક ગામ નજીક મળ્યો હતો.
અકસ્માત બાદ અંકારા એરપોર્ટને અસ્થાયી રૂપે બંધ કરી દેવામાં આવ્યું અને ઘણી ફ્લાઇટ્સને અન્ય એરપોર્ટ પર મોકલવામાં આવી. તુર્કીના ન્યાય મંત્રાલયે અકસ્માતની તપાસ માટે ચાર અધિકારીઓની નિમણૂક કરી છે. તે જ સમયે, લિબિયા સરકારે પણ તપાસમાં સહયોગ માટે પોતાની ટીમને અંકારા મોકલવાનો નિર્ણય કર્યો છે.
Image Gallery
