'ખેડૂતની ફરિયાદ આવશે તો અધિકારીઓની ખેર નથી':₹10 હજાર કરોડના સહાય પેકેજ મુદ્દે Dy.CM હર્ષ સંઘવીની અધિકારીઓને ચેતવણી, જો વળતર સમયસર નહીં મળે તો વાત નહીં, પગલાં લેવાશે
ખેડૂત સહાય મુદ્દે સખત વલણ નાયબ મુખ્યમંત્રી હર્ષ સંઘવીએ જણાવ્યું હતું કે, સરકારે કમોસમી વરસાદથી થયેલા નુકસાનના સર્વેનું કામ માત્ર 7 દિવસના રેકોર્ડ સમયમાં પૂર્ણ કરાવ્યું છે. તેમણે ખાતરી આપી હતી કે, રાજ્ય સરકારે જાહેર કરેલું ₹10 હજાર કરોડનું પેકેજ 10 દિવસમાં ખેડૂતોના ખાતામાં પહોંચી જશે. આ દરમિયાન, તેમણે અધિકારીઓને સખત સૂચના આપતાં ભારપૂર્વક જણાવ્યું હતું કે:
અધિકારીઓને સ્પષ્ટ સૂચના આપી દેવામાં આવી છે. જો એક પણ ખેડૂતની ફરિયાદ આવશે કે તેને નુકસાનનું વળતર યોગ્ય રીતે કે સમયસર મળ્યું નથી, તો વાત નહીં થાય અધિકારી સામે કડક પગલાં ભરવામાં આવશે. સરકારે ખેડૂતોને ઝડપી ન્યાય આપ્યો છે અને તે પૂરેપૂરો મળવો જ જોઈએ.
ડ્રગ્સ નાબૂદી અને વૃદ્ધાશ્રમ મુદ્દે લાલ આંખ ખેડૂત સહાય ઉપરાંત સંઘવીએ સમાજમાં ચાલી રહેલા બે ગંભીર દુષણ સામે લડવાનો સંકલ્પ લેવડાવ્યો હતો. તેમણે જણાવ્યું કે, ડ્રગ્સને જડમૂળથી નાબૂદ કરવા માટે તેઓ પોલીસની પાછળ સખતપણે પડ્યા છે અને ગુજરાતમાંથી ડ્રગ્સનું દૂષણ નાબૂદ ન થાય ત્યાં સુધી તેઓ ઝંપવાના નથી. તેમણે ગુજરાત પોલીસની કામગીરીની માહિતી આપતાં જણાવ્યું કે, છેલ્લા 4 વર્ષમાં 75 પાકિસ્તાની ડ્રગ્સ વેચનારાને જેલમાં મોકલવામાં આવ્યા છે.
Image Gallery
