લોકસભામાં વિપક્ષનો હોબાળો,12 વાગ્યા સુધી સ્થગિત:સાંસદ વેલમાં પહોંચ્યા, વોટ ચોર-ગદ્દી છોડના નારા લગાવ્યા, ખડગેએ કહ્યું-લોકશાહી બચાવવી જરૂરી
પહેલા દિવસે નાણા મંત્રી નિર્મલા સીતારમણે લોકસભામાં 3 બિલ રજૂ કર્યા હતા, જેમાંથી મણિપુર ગુડ્સ એન્ડ સર્વિસ ટેક્સ બિલ (બીજો સુધારો) વિધેયક, 2025 બિલ પસાર થયું હતું.
જ્યારે ગૃહની કાર્યવાહી પહેલા પીએમ મોદીએ સંસદની બહાર મીડિયાને કહ્યું, 'આ સત્ર પરાજયની હતાશા કે વિજયના અહંકારનું મેદાન ન બનવું જોઈએ. અહીં ડ્રામા નહીં, ડિલિવરી થવી જોઈએ. અહીં નીતિ પર ભાર હોવો જોઈએ, નારાઓ પર નહીં.'
વંદે માતરમ્ પર 10 કલાક ચર્ચા શક્ય
મીડિયા રિપોર્ટ્સ અનુસાર, વંદે માતરમ્ના 150 વર્ષ પૂરા થવા પર સરકાર ગૃહમાં વંદે માતરમ્ પર 10 કલાક ચર્ચા કરાવી શકે છે. આ ચર્ચા ગુરુવાર-શુક્રવારે થઈ શકે છે. પીએમ મોદી પોતે તેમાં ભાગ લઈ શકે છે.
30 સપ્ટેમ્બરે રાજ્યસભાની બિઝનેસ એડવાઇઝરી કમિટીની બેઠકમાં સત્તાધારી પક્ષના ઘણા સભ્યોએ આ ચર્ચાનો પ્રસ્તાવ મૂક્યો હતો. હજુ સુધી કોઈ સત્તાવાર નિવેદન આવ્યું નથી.
સંસદીય બાબતોના મંત્રી કિરણ રિજિજુના નિવેદન પર પ્રતિક્રિયા આપતા કે વિપક્ષ ગૃહને સ્થગિત કરવા માટે બહાના શોધે છે, કોંગ્રેસના સાંસદ રેણુકા ચૌધરીએ કહ્યું, " તમે નાલાયક હોવ તો અમે શું કરીએ? જો તમને મેનેજ કરવાનું આવડતું ન હોય તો અમે શું કરીએ? અમે મુદ્દો પણ ન ઉઠાવીએ. અમે સાંસદ છીએ, અને લોકોનો અવાજ ઉઠાવવો એ અમારી ફરજ છે.
રાજ્યસભામાં પણ SIR મામલે ભારે હોબાળો, વિપક્ષના સાંસદોએ સૂત્રોચ્ચાર કર્યા
રાજ્યસભા સવારે 11 વાગ્યે શરૂ થઈ, પરંતુ વિપક્ષે SIR મુદ્દા પર હોબાળો શરૂ કર્યો. અધ્યક્ષે કાર્યવાહી ચાલુ રાખી, પરંતુ વિપક્ષે સૂત્રોચ્ચાર ચાલુ રાખ્યા.
કોંગ્રેસના સાંસદે સંચાર સાથી એપ અંગે સ્થગિત પ્રસ્તાવ આપ્યો
કોંગ્રેસ સાંસદ રેણુકા ચૌધરીએ સંચાર સાથી એપને લઈને લોકસભામાં સ્થગિત પ્રસ્તાવ આપ્યો છે.
તેમણે કહ્યું, "ગોપનીયતાનો અધિકાર એ બંધારણની કલમ 21 હેઠળ જીવન અને વ્યક્તિગત સ્વતંત્રતાનો મૂળભૂત અધિકાર છે. ટેલિકોમ્યુનિકેશન વિભાગનો આદેશ છે કે મોબાઇલ કંપનીઓ અને આયાતકારો 'સંચાર સાથી' એપ્લિકેશન ફોનમાં પ્રી-ઇન્સ્ટોલ કરે અને તેને હટાવી પણ શકાય નહીં. આ લોકોની ગોપનીયતા પર સીધો હુમલો છે."
રેણુકા ચૌધરીએ આરોપ લગાવ્યો કે આવા પગલાથી દેખરેખ વધારવાનો માર્ગ ખુલે છે અને લોકોની દરેક પ્રવૃત્તિ, વાતચીત અને નિર્ણય પર સતત દેખરેખ રાખવાનું જોખમ ઊભું થાય છે. તેમણે કહ્યું કે આ માટે ન તો પૂરતી સુરક્ષા વ્યવસ્થા છે અને ન તો કોઈ સંસદીય દેખરેખ.
શિયાળુ સત્રમાં 10 નવા બિલ રજૂ થશે
સંસદના શિયાળુ સત્રમાં 10 નવા બિલ રજૂ થશે. લોકસભા બુલેટિનમાં શનિવારે (22 નવેમ્બર) આ અંગેની માહિતી આપવામાં આવી હતી. આમાં સૌથી મહત્વપૂર્ણ એટોમિક એનર્જી બિલ છે, જે અંતર્ગત પ્રથમ વખત ખાનગી કંપનીઓ (ભારતીય અને વિદેશી) ને ન્યુક્લિયર પાવર પ્લાન્ટ સ્થાપવાની મંજૂરી આપવાનો પ્રસ્તાવ છે.
હાલમાં દેશમાં તમામ પરમાણુ પ્લાન્ટ સરકાર નિયંત્રિત કંપનીઓ જેવી કે NPCIL જ બનાવે છે અને ચલાવે છે. બિલ પસાર થવા પર ખાનગી ક્ષેત્રને પણ ન્યુક્લિયર પાવર પ્રોડક્શનમાં પ્રવેશ મળશે.
સત્રમાં આવનારું બીજું મોટું બિલ ‘હાયર એજ્યુકેશન કમિશન ઓફ ઇન્ડિયા’ બિલ હશે. આમાં UGC, AICTE અને NCTE જેવી અલગ-અલગ રેગ્યુલેટરી સંસ્થાઓને સમાપ્ત કરીને એક જ રાષ્ટ્રીય કમિશન બનાવવાની યોજના છે. સરકારનું કહેવું છે કે આનાથી ઉચ્ચ શિક્ષણ વ્યવસ્થા વધુ સુગમ અને પ્રભાવી બનશે.
મહત્વપૂર્ણ બિલ જે રજૂ થશે, તેનાથી શું બદલાવ
- ન્યુક્લિયર સેક્ટર માટે મોટો બદલાવ: લોકસભા બુલેટિન અનુસાર, એટોમિક એનર્જી બિલ ભારતમાં પરમાણુ ઊર્જાના ઉપયોગ, નિયંત્રણ અને નિયમન સંબંધિત જોગવાઈઓને નવી ફ્રેમવર્ક આપશે. આ પહેલીવાર હશે જ્યારે ખાનગી કંપનીઓને ન્યુક્લિયર ક્ષેત્રમાં એન્ટ્રી મળી શકશે. હવે ખાનગી કંપનીઓ પણ ન્યુક્લિયર પાવર પ્લાન્ટ સ્થાપી શકશે.
- હાયર એજ્યુકેશન કમિશન બનાવતું બિલ પણ તૈયાર: સરકાર હાયર એજ્યુકેશન કમિશન ઓફ ઇન્ડિયા બિલ પણ રજૂ કરશે. તેનો ઉદ્દેશ્ય કોલેજો અને યુનિવર્સિટીઓને વધુ સ્વતંત્રતા આપવાનો અને સિસ્ટમને પારદર્શક બનાવવાનો છે. (UGC, AICTE, NCTE) ને સમાપ્ત કરીને તેમને એક જ કમિશનમાં જોડી દેવામાં આવશે.
- હાઈવે ભૂમિ અધિગ્રહણ ઝડપી બનશે: નેશનલ હાઈવે (સુધારા) બિલ ભૂમિ અધિગ્રહણની પ્રક્રિયાને ઝડપી અને વધુ પારદર્શક બનાવશે, જેથી નેશનલ હાઈવે પ્રોજેક્ટ્સમાં વિલંબ ઓછો થઈ શકે.
- કંપની કાયદા અને LLP કાયદામાં ફેરફાર: સરકાર કોર્પોરેટ લો (સુધારા) બિલ, 2025 લાવવાની તૈયારી કરી રહી છે. જે કંપની અધિનિયમ 2013 અને LLP અધિનિયમ 2008 માં ફેરફાર કરીને ‘ઇઝ ઓફ ડુઇંગ બિઝનેસ’ ને વધુ સરળ બનાવશે.
- તમામ બજાર કાયદા એક બિલમાં: સિક્યોરિટીઝ માર્કેટ્સ કોડ બિલ, 2025નો ઉદ્દેશ્ય સેબી એક્ટ, ડિપોઝિટરીઝ એક્ટ અને સિક્યોરિટીઝ કોન્ટ્રાક્ટ્સ એક્ટને ભેગા કરીને એક સરળ કાયદો તૈયાર કરવાનો છે.
- બંધારણમાં સુધારા સંબંધિત બિલ: બંધારણમાં 131મો સુધારો કરવાનો પ્રસ્તાવ મૂકવામાં આવશે. આ બિલ હેઠળ ખાસ કરીને ચંદીગઢ કેન્દ્રશાસિત પ્રદેશને બંધારણના અનુચ્છેદ 240ના દાયરામાં લાવવામાં આવશે. અનુચ્છેદ 240 હેઠળ કેન્દ્ર સરકાર કેન્દ્રશાસિત પ્રદેશો માટે નિયમો બનાવી શકે છે, જેને કાયદાનો દરજ્જો પ્રાપ્ત થાય છે.
- કંપનીઓ સામેના વિવાદોનો ઝડપી નિકાલ: કંપનીઓ અને વ્યક્તિઓ વચ્ચેના ઝઘડાઓ ઘણીવાર વર્ષો સુધી કોર્ટમાં લટકતા રહે છે. આર્બિટ્રેશન એન્ડ કોન્સિલિએશન (એમેન્ડમેન્ટ) બિલ, 2025 નો ઉદ્દેશ્ય છે કે મધ્યસ્થીના નિર્ણયોને પડકારવાની પ્રક્રિયા સરળ બને અને ઝઘડાઓનો ઝડપથી ઉકેલ લાવી શકાય.
Image Gallery
