સાઉદી અરબમાં બસ અકસ્માત, 42 ભારતીયોના મોત:મક્કાથી મદીના જઈ રહેલી શ્રદ્ધાળુઓની બસ ડીઝલ ટેન્કર સાથે અથડાઈ, અકસ્માત રાત્રે 1.30 વાગ્યે થયો
ભારતીય દૂતાવાસે હેલ્પલાઇન નંબર જાહેર કર્યા
જેદ્દાહ સ્થિત ભારતીય દૂતાવાસે એક હેલ્પલાઇન નંબર જાહેર કર્યો છે. "સાઉદી અરેબિયાના મદીના નજીક ભારતીય ઉમરાહ યાત્રાળુઓ સાથે થયેલા દુ:ખદ બસ અકસ્માતને ધ્યાનમાં રાખીને, દૂતાવાસે જણાવ્યું હતું કે, જેદ્દાહમાં ભારતીય કોન્સ્યુલેટ જનરલ ખાતે 24x7 કંટ્રોલ રૂમ બનાવવામાં આવ્યો છે. હેલ્પલાઇન નંબર 8002440003 છે.
આ ઘટના બાદ, તેલંગાણા સરકારે પરિવારો તેમના પ્રિયજનો વિશે માહિતી મેળવી શકે તે માટે સચિવાલયમાં એક કંટ્રોલ રૂમ બનાવ્યો છે. પરિવારના સભ્યો નીચેના નંબરો પર સંપર્ક કરી શકે છે: 79979-59754 અને 99129-19545
ઓવૈસીએ કહ્યું- માહિતી મેળવવા માટે દૂતાવાસનો સંપર્ક કરી રહ્યા છીએ
હૈદરાબાદના સાંસદ અસદુદ્દીન ઓવૈસીએ સાઉદી અરેબિયામાં ભારતીય ઉમરા યાત્રાળુઓનો બસ અકસ્માત પર દુઃખ વ્યક્ત કર્યું છે. ઓવૈસીએ ફોન પર ન્યૂઝ એજન્સી ANI સાથે વાત કરતા કહ્યું કે તેમણે હૈદરાબાદમાં બે ટ્રાવેલ એજન્સીઓનો સંપર્ક કર્યો છે અને મુસાફરોની વિગતો રિયાધમાં ભારતીય દૂતાવાસ સાથે શેર કરી છે.
તેમણે રિયાધમાં ભારતીય દૂતાવાસના ડેપ્યુટી ચીફ ઓફ મિશન (DCM) અબુ મૈથન જ્યોર્જ સાથે પણ વાત કરી. જ્યોર્જે તેમને માહિતી આપી કે સ્થાનિક અધિકારીઓ પાસેથી માહિતી મેળવવામાં આવી રહી છે અને ટૂંક સમયમાં અપડેટ આપવામાં આવશે.
ઓવૈસીએ કહ્યું,
"હું કેન્દ્ર સરકારને, ખાસ કરીને વિદેશ મંત્રી જયશંકરને અપીલ કરું છું કે તેઓ મૃતદેહોને ભારત પાછા લાવે અને ઘાયલોને જરૂરી મેડિકલ સારવાર પૂરી પાડે."
ઉમરાહ વિશે જાણો...
ઉમરાહ વર્ષના કોઈપણ દિવસે કરી શકાય છે અને તેની કોઈ ચોક્કસ તારીખ નથી. ઉમરાહ ફર્જ નથી, પરંતુ મક્કા અને મદીનાની હજયાત્રાનું ટૂંકું સ્વરૂપ છે, જે કોઈપણ મુસ્લિમ ગમે ત્યારે, ગમે તેટલી વખત કરી શકે છે.
Image Gallery
