સેન્સેક્સમાં 100 પોઈન્ટની તેજી, 85,820 પર પહોંચ્યો:નિફ્ટી પણ 20 પોઈન્ટ વધીને ટ્રેડ કરી રહ્યો છે, રિયલ્ટી શેરોમાં ખરીદી
અમેરિકી બજાર બંધ, એશિયન બજારમાં ઘટાડો
- એશિયન બજારો: કોરિયાનો કોસ્પી 1.18% નીચે અને જાપાનનો નિક્કેઈમાં 0.045%નો ઘટાડો છે. હોંગકોંગના હેંગસેંગમાં 0.22%નો ઘટાડો છે.
- અમેરિકી બજારો: 27 નવેમ્બરે થેંક્સગિવિંગ ડેના કારણે અમેરિકી બજારો બંધ રહ્યા. તે નવેમ્બર મહિનાના ચોથા ગુરુવારે ઉજવવામાં આવે છે.
વિદેશી રોકાણકારોએ ₹1,255.20 કરોડના શેર વેચ્યા
- 27 નવેમ્બરે વિદેશી રોકાણકારો (FIIs) એ કેશ સેગમેન્ટમાં ₹1,255.20 કરોડના શેર વેચ્યા. જ્યારે સ્થાનિક રોકાણકારો (DIIs) એ ₹3,940.87 કરોડની ખરીદી કરી.
- આ મહિને અત્યાર સુધી- FIIs એ ₹13,704.59 કરોડના શેર વેચ્યા છે. જ્યારે, DIIs એ ₹72,935.30 કરોડના શેર ખરીદ્યા. એટલે કે, બજારને સ્થાનિક રોકાણકારોનો ટેકો છે.
ગઈકાલે સેન્સેક્સ 110 પોઈન્ટ વધીને 85,720 પર બંધ થયો
સેન્સેક્સ ગઈકાલે ગુરુવારે 110 પોઈન્ટના ઉછાળા સાથે 85,720 પર બંધ થયો હતો. જ્યારે નિફ્ટીમાં 10 પોઈન્ટનો ઉછાળો જોવા મળ્યો. તે 26,215 પર બંધ થયો. ગઈકાલના કારોબારમાં ઓટો, ફાઇનાન્સ અને બેન્કિંગ શેરોમાં તેજી જોવા મળી હતી. જ્યારે IT અને રિયલ્ટી સેક્ટરમાં ઘટાડો જોવા મળ્યો હતો.
