શેર માર્કેટ 14 મહિના પછી ઓલટાઇમ હાઇ પર:સેન્સેક્સે 86,026 અને નિફ્ટીએ 26,306નું સ્તર ગયું, ઓટો અને બેન્કિંગ શેરોમાં તેજી
શેરબજારમાં તેજીના મુખ્ય કારણો સ્વાસ્તિકા ઇન્વેસ્ટમાર્ટના સિનિયર ટેકનિકલ એનાલિસ્ટ પ્રવીશ ગૌરે કહ્યું કે આજની તેજીનું એક કારણ વૈશ્વિક બજારોમાં મજબૂતી છે. એશિયન ઇન્ડેક્સ મજબૂતી સાથે ઉપર કારોબાર કરી રહ્યા છે, જ્યારે વૉલ સ્ટ્રીટે ગઇકાલે રાત્રે પોઝિટિવ નોટ પર કારોબાર સમાપ્ત કર્યો.
આ સારો ગ્લોબલ રિસ્ક સેન્ટિમેન્ટએ ભારતીય ઇક્વિટીને સપોર્ટ આપ્યો અને નીચલા સ્તરો પર તાજી ખરીદીને પ્રોત્સાહિત કરી. એક અન્ય મહત્વપૂર્ણ પોઝિટિવ ટ્રિગર અમેરિકન ફેડરલ રિઝર્વ દ્વારા સંભવિત વ્યાજ દરમાં ઘટાડાને લઈને નવો ઉત્સાહ છે.
બજારમાં તેજીનું બીજું કારણ શૉર્ટ કવરિંગ માનવામાં આવી રહ્યું છે. વીતેલા ત્રણ સેશનમાં શેરબજારમાં ઘટાડો આવ્યો હતો. એક્સપર્ટનું માનવું છે કે આ જ કારણથી શૉર્ટ કવરિંગ આવ્યું છે.
ગ્લોબલ માર્કેટમાં પણ તેજી
- એશિયન બજાર: કોરિયાનો કોસ્પી 0.85% ઉપર 3,994 પર અને જાપાનનો નિક્કેઈ 1.30% ઉપર 50,203 પર કારોબાર કરી રહ્યો છે. હોંગકોંગના હેન્ગસેંગમાં 0.14%નો ઘટાડો છે.
- અમેરિકન બજાર: 26 નવેમ્બરના રોજ ડાઉ જોન્સ 0.67% ચઢીને 47,427 પર બંધ થયો. વળી, નેસ્ડેક કમ્પોઝિટમાં 0.82% અને S&Pમાં 0.69%ની તેજી રહી.
ગઈકાલે બજારમાં તેજી જોવા મળી હતી આ પહેલા ગઈકાલે એટલે કે 26 નવેમ્બરે બજારમાં તેજી જોવા મળી હતી. સેન્સેક્સ 1023 પોઈન્ટ વધીને 85,610 પર બંધ થયો હતો. નિફ્ટીમાં પણ 321 પોઈન્ટનો ઉછાળો જોવા મળ્યો હતો, જે 26,205 પર બંધ થયો હતો.
