ભારતે જમીન પર પાથરી 'ઈન્દ્રજાળ':દેશનું પ્રથમ એન્ટી-ડ્રોન પેટ્રોલ વાહન લોન્ચ, દુશ્મનના દરેક હુમલાને હવામાં જ નષ્ટ કરી દેશે
દેશનું પ્રથમ એન્ટી-ડ્રોન પેટ્રોલ વાહન લોન્ચ ભારતે સરહદી સુરક્ષાની વ્યૂહરચનાને બે પગલાં આગળ વધારતાં દેશનું પહેલું એન્ટિ-ડ્રોન પેટ્રોલ વ્હીકલ (ADPV) લોન્ચ કર્યું છે. તેનું નામ 'ઇન્દ્રજાળ રેન્જર' રાખવામાં આવ્યું છે. ઇન્દ્રજાળ એક ડ્રોન ડિફેન્સ સિસ્ટમ છે, જેને ચાલતા વાહન પર ફિટ કરી શકાય છે અને આ વાહન મૂવ કરતા સમયે જ AI ટેક્નોલોજીના ઉપયોગથી ડ્રોનને હવામાં સચોટ નિશાનાથી તોડી પાડશે. આ દેશની સરહદી સુરક્ષા માટે એક મોટી સફળતા માનવામાં આવી રહી છે, કારણ કે અત્યાર સુધીની જેટલી પણ એન્ટિ-ડ્રોન સિસ્ટમ હતી, તે તમામ સ્થિર થયા પછી જ નિશાન લગાવી શકતી હતી.
સૌથી મોટી વિશેષતા શું છે? રાષ્ટ્રીય સુરક્ષા માટે બનાવેલા આ 'રેન્જર'નો હેતુ પરંપરાગત અને સ્થિર એન્ટિ-ડ્રોન સિસ્ટમ્સથી અલગ, વધુ એડવાન્સ્ડ અને મજબૂત ડિફેન્સ ઉપલબ્ધ કરાવવાનો છે. તેની સૌથી મોટી તાકાત એ જ છે કે તે ચાલતા સમયે પણ ડ્રોનની ઓળખ કરવા સાથે તેના પર સચોટ નિશાન પણ લગાવી શકે છે. રિયલ ટાઇમમાં ડ્રોનને ઓળખીને તેને ધ્વસ્ત કરવાની સચોટ ક્ષમતાને કારણે તેને બોર્ડર સુરક્ષા માટે વધુ મજબૂત માનવામાં આવે છે.
Image Gallery
