દિલ્હીમાં મોડીરાત્રે પોલીસ-MCD ટીમ પર પથ્થરમારો:મસ્જિદ પાસે ગેરકાયદે બાંધકામ હટાવવા પહોંચી હતી; ટિયરગેસના શેલ છોડ્યા, પોલીસકર્મી ઘાયલ
આ છે સમગ્ર મામલો
ફૈઝ-એ-ઇલાહી મસ્જિદની મેનેજમેન્ટ કમિટીએ દિલ્હી MCDના 22 ડિસેમ્બર 2025ના આદેશને દિલ્હી હાઈકોર્ટમાં પડકાર્યો છે. તેમાં કહેવામાં આવ્યું હતું કે મસ્જિદની બહારની 0.195 એકર જમીન પર બનેલા બાંધકામો ગેરકાયદેસર છે. તેમને હટાવવામાં આવશે.
MCDનું કહેવું છે કે વધારાની જમીન પર માલિકી અથવા કાયદેસર કબજાના દસ્તાવેજો રજૂ કરવામાં આવ્યા નથી. MCDનો આ આદેશ 12 નવેમ્બર 2025ના રોજ હાઈકોર્ટની ડિવિઝન બેન્ચના નિર્દેશોના આધારે જારી કરવામાં આવ્યો હતો.
ડિવિઝન બેન્ચના આદેશમાં તુર્કમાન ગેટ પાસેના રામલીલા ગ્રાઉન્ડમાંથી લગભગ 38,940 ચોરસ ફૂટ દબાણ હટાવવાનું કહેવામાં આવ્યું હતું, જેમાં રસ્તા, ફૂટપાથ, ઘર, પાર્કિંગ અને એક ખાનગી ક્લિનિકનો સમાવેશ થાય છે.
મસ્જિદ સમિતિનું કહેવું છે કે આ જમીન વક્ફ સંપત્તિ છે. તે આ માટે વક્ફ બોર્ડને લીઝ ભાડું ચૂકવે છે. અમને અતિક્રમણ હટાવવા સામે કોઈ વાંધો નથી. લગ્ન ઘર અને ક્લિનિકનું સંચાલન બંધ કરી દેવામાં આવ્યું છે. મુખ્ય વાંધો કબ્રસ્તાનને લઈને છે.
6 જાન્યુઆરી: હાઈકોર્ટે નોટિસ જારી કરી
6 જાન્યુઆરીના રોજ દિલ્હી હાઈકોર્ટે મસ્જિદ અને કબ્રસ્તાન નજીકની જમીન પરથી અતિક્રમણ (લગ્ન ઘર અને ડાયગ્નોસ્ટિક સેન્ટર) હટાવવાના આદેશને પડકારતી અરજી પર નોટિસ જારી કરી હતી.
કોર્ટે આ મામલે દિલ્હી મ્યુનિસિપલ કોર્પોરેશન (MCD), શહેરી વિકાસ મંત્રાલય, દિલ્હી વિકાસ પ્રાધિકરણ, દિલ્હી વક્ફ બોર્ડ સહિત અન્ય વિભાગો પાસેથી જવાબ માંગ્યો છે.
જસ્ટિસ અમિત બંસલે કહ્યું હતું કે આ મામલો સુનાવણીને પાત્ર છે. તમામ પક્ષોને 4 અઠવાડિયામાં જવાબ દાખલ કરવાનો નિર્દેશ આપવામાં આવ્યો છે. આગળની સુનાવણી 22 એપ્રિલે થશે.
Image Gallery
