અમદાવાદમાં યુવતીના આપઘાત પહેલાંના CCTV:બિલ્ડિંગમાં પ્રવેશ્યાની ગણતરીની મિનિટોમાં 5મા માળેથી કૂદી, રજિસ્ટરમાં નામ વંચાતું નથી, જે ઓફિસના કામથી આવી એ બંધ હતી
યુવતી જે કામ અર્થે આવી હતી એ સંબંધિત ઓફિસ પણ બંધ હતી યુવતીએ જે કામ અર્થે આવવાનું જણાવ્યું હતું એ સંબંધિત ઓફિસ પણ બંધ હતી. હાલમાં યુવતીની ઓળખ, તે ક્યાંની રહેવાસી છે અને આત્મહત્યા પાછળનું ચોક્કસ કારણ અકબંધ છે. યુવતી પાસેથી કોઈ સુસાઇડ નોટ પણ મળી નથી.
યુવતી બિલ્ડિંગમાં આવી હતી એ સમયના CCTV યુવતી જ્યારે બિલ્ડિંગમાં આવી રહી હતી એ CCTV ફૂટેજ પણ સામે આવ્યા છે. યુવતીના આપઘાતનું કારણ અને મોતનું કારણ જાણવા માટે તપાસ ચાલી રહી છે. પોલીસે પ્રાથમિક તપાસના આધારે અકસ્માતે મોતનો ગુનો નોંધીને આગળની કાર્યવાહી હાથ ધરી છે.
ચાંદખેડામાં ત્રીજા માળેથી કૂદી મહિલાએ આપઘાત કર્યો
24 નવેમ્બર, 2025એ અમદાવાદના ચાંદખેડામાં મૈત્રી શ્રીમાળી નામની મહિલાએ ફ્લેટના ત્રીજા માળેથી કૂદીને આપઘાત કર્યો હતો, જે ઘટનાના CCTV પણ સામે આવ્યા હતા. પોલીસ તપાસમાં સામે આવ્યું હતું કે યુવતીનાં થોડાં વર્ષ પહેલાં પ્રેમલગ્ન થયા હતા, જેમાં યુવક સાથે મનમેળ ન આવતાં યુવતી પિયરમાં જતી રહી હતી. એ બાદ ફરીથી સંબંધ સુધરતાં પતિના ઘરે હતી. યુવતીને 2 વર્ષનું બાળક પણ છે
પ્રેમી સાથેનો અશ્લીલ વીડિયો વાઇરલ થવાના ડરે યુવતીનો આપઘાત
અમદાવાદમાં પ્રેમસંબંધમાં દગો મળ્યાનો એક ચોંકાવનારો કિસ્સો સામે આવ્યો હતો. પ્રેમિકા સાથેની અંગત પળોનો વીડિયો પ્રેમીએ તેના મિત્રને આપી દેતાં યુવતીને આત્મહત્યા કરવી પડી હતી. ચાંદખેડા વિસ્તારમાં આવેલા હાઇરાઈઝ એપાર્ટમેન્ટના 14મા માળેથી પડતું મૂકી દેતાં 21 વર્ષીય યુવતી મીનાક્ષી (નામ બદલ્યું છે)નું મોત નીપજ્યું છે. મીનાક્ષીની આત્મહત્યા મામલે પોલીસે તેના પ્રેમી મોહિત ઉર્ફે મિતરાજ મકવાણા અને હાર્દિક રબારી સામે આત્મહત્યા માટે દુષ્પ્રેરણાનો ગુનો નોંધ્યો હતો.
Image Gallery
