'તોડેંગે દમ મગર તેરા સાથ ના છોડેંગે..':શોલેના 'વીરૂ'ની તબિયત પૂછવા 83 વર્ષીય 'જય' પોતે કાર ચલાવીને ગયા; મીડિયા પર ભડક્યો સની દેઓલ, કહ્યું- ઘરે મા-બાપ નથી
અમિતાભ બચ્ચન ધર્મેન્દ્રની મુલાકાતે ગયા મીડિયા રિપોર્ટ્સ અનુસાર, હોસ્પિટલમાંથી રજા મળ્યા બાદ અમિતાભ બચ્ચન ધર્મેન્દ્રની મુલાકાતે ગયા હતા. 'બિગ બી'નો ગાડી ચલાવતો એક વીડિયો સોશિયલ મીડિયા પર સામે આવ્યો હતો. અન્ય ઘણી સેલિબ્રિટીઓએ પણ તેમની મુલાકાત લીધી હતી.મુંબઈની બ્રીચ કેન્ડી હૉસ્પિટલના ડૉ. પ્રતીત સમદાનીએ સ્ટેટમેન્ટ રિલીઝ કરીને કહ્યું હતું કે, 'ધર્મેન્દ્રને 12 નવેમ્બરે સવારે સાડા સાત વાગ્યે હૉસ્પિટલમાંથી ડિસ્ચાર્જ આપી દેવામાં આવ્યો છે. પરિવારે ઘરે જ સારવાર કરાવવાનું નક્કી કર્યું છે.' બોબી દેઓલ સવારે હૉસ્પિટલ ગયો હતો અને પિતાને એમબ્યૂલન્સમાં લઈને પરત ફર્યો હતો.
ડિસ્ચાર્જ પછી પરિવારનું નિવેદન ધર્મેન્દ્રને હોસ્પિટલમાંથી ડિસ્ચાર્જ આપ્યા બાદ પરિવારનું નિવેદન સામે આવ્યું છે કે,
ધર્મેન્દ્રને હોસ્પિટલમાંથી રજા આપવામાં આવી છે અને તેઓ ઘરે જ તેમની રિકવરી ચાલુ રાખશે. અમે મીડિયા અને જનતાને વિનંતી કરીએ છીએ કે તેઓ કોઈપણ પ્રકારની અટકળોથી દૂર રહે અને આ સમય દરમિયાન તેમની અને પરિવારની ગોપનીયતાનો આદર કરો. તેમના સારા સ્વાસ્થ્ય અને લાંબા આયુષ્ય માટે તમારી બધી પ્રાર્થનાઓ માટે અમે આભારી છીએ. કૃપા કરીને તેમનો આદર કરો, કારણ કે તે તમને બધાને ખૂબ પ્રેમ કરે છે.
પોલીસ બંદોબસ્ત ગોઠવાયો
પોલીસે ધર્મેન્દ્રના ઘરની બહાર ગલી બંધ કરી દીધી છે. મીડિયા અને ચાહકોની ભીડ જમા થઈ જવાથી આ નિર્ણય લેવામાં આવ્યો છે. ધર્મેન્દ્રના ઘરની બહાર ચુસ્ત પોલીસ બંદોબસ્ત કરી દેવામાં આવ્યો છે.
ઉલ્લેખનીય છે કે ધર્મેન્દ્ર 31 ઓક્ટોબરથી હૉસ્પિટલમાં એડમિટ હતા. બે દિવસ પહેલા જ તેમની તબિયત અચાનક લથડતાં તેમને વેન્ટિલેટર પર રાખવામાં આવ્યા હતા. બુધવારે સવારે તેમને ડિસ્ચાર્જ આપી દેવામાં આવ્યો હતો.
'પિતા સ્વસ્થ થઈ રહ્યા છે'
સની દેઓલની ટીમે ધર્મેન્દ્રના સ્વાસ્થ્ય અંગે જણાવ્યું હતું કે, સારવાર બાદ પિતાની તબિયતમાં સુધારો થઈ રહ્યો છે અને તે સ્વસ્થ થઈ રહ્યા છે. મહેરબાની કરીને તેમના સારા સ્વાસ્થ્ય અને લાંબા આયુષ્ય માટે પ્રાર્થના કરો.
'તારક મહેતા...'ના નિર્માતા ધર્મેન્દ્રના ઘરે પહોંચ્યા હતા
ધર્મેન્દ્ર હૉસ્પિટલમાંથી ઘરે પાછા ફરતાની સાથે જ ઘણી હસ્તીઓ તેમને મળવા માટે તેમના ઘરે આવવા લાગ્યા છે. 'તારક મહેતા કા ઉલ્ટા ચશ્મા' શોના નિર્માતા અસિત મોદી તેમની ખબર કાઢવા માટે પહોંચ્યા હતા.
બ્રીચ કેન્ડી હૉસ્પિટલના એડમિનિસ્ટ્રેટિવ ઓફિસમાં કામ કરતા ડૉ. રેશમીએ મંગળવારે ભાસ્કર રિપોર્ટરને જણાવ્યું કે, આ સમયે દર્દી વિશે કોઈપણ માહિતી આપવી ગોપનિયતાનું ઉલ્લંઘન છે. પરંતુ તેમણે ભાસ્કર રિપોર્ટને હૈયાધારણા આપી છે કે, હાલમાં ધર્મેન્દ્ર બિલકુલ ઠીક છે.
રક્ષામંત્રી રાજનાથ સિંહે શોક વ્યક્ત કર્યો, બાદમાં ટ્વિટ ડિલિટ કરી
મંગળવારે સવારે ધર્મેન્દ્રના અવસાનના સમાચાર સામે આવ્યા હતા. રક્ષામંત્રી રાજનાથ સિંહે સોશિયલ મીડિયા પ્લેટફોર્મ X (અગાઉ ટ્વિટર) પર ટ્વિટ કરી શોક વ્યક્ત કર્યો હતો. જોકે, ધર્મેન્દ્રની દીકરી ઇશા દેઓલે નારાજગી વ્યક્ત કરી અવસાનના અહેવાલોને નકારી કાઢ્યા હતા. પરિણામે રક્ષામંત્રીએ પોતે કરેલી ટ્વિટ ડિલિટ કરી દીધી હતી. રાજનાથ સિંહ ઉપરાંત જાવેદ અખ્તરે પણ શોક વ્યક્ત કર્યો હતો.
Image Gallery
