સેન્સેક્સમાં 200 પોઈન્ટથી વધુનો ઘટાડો:નિફ્ટી પણ 50 પોઈન્ટ ગગડ્યો, ઓટો અને એનર્જી શેર્સમાં વેચવાલી
અદાણી એન્ટરપ્રાઈઝના પબ્લિક બોન્ડ ઈશ્યુમાં રોકાણની તક
અદાણી ગ્રુપની મુખ્ય કંપની 'અદાણી એન્ટરપ્રાઈઝ'નો પબ્લિક બોન્ડ ઈશ્યુ એટલે કે NCD આજથી ખુલશે. તેમાં 19 જાન્યુઆરી સુધી રોકાણ કરી શકાશે. NCDમાં રોકાણ કરવા માટે ઓછામાં ઓછા 10,000 રૂપિયાનું રોકાણ કરવું પડશે. ત્યારબાદ 1,000 રૂપિયાના ગુણાંકમાં રોકાણ વધારી શકાય છે.
ગ્લોબલ માર્કેટમાં તેજી
- એશિયન બજારોમાં કોરિયાનો કોસ્પી 0.08% ઉપર 4,461 પર અને જાપાનનો નિક્કેઈ ઇન્ડેક્સ 0.70% ઉપર 52,191 પર કારોબાર કરી રહ્યો છે.
- હોંગકોંગનો હેંગસેંગ ઇન્ડેક્સ 1.66% ઉપર 26,784 પર અને ચીનનો શાંઘાઈ કમ્પોઝિટ ઇન્ડેક્સ 1.10% વધીને 4,067 પર કારોબાર કરી રહ્યો છે.
- 5 જાન્યુઆરીએ અમેરિકાનો ડાઉ જોન્સ 1.23% વધીને 48,977 પર બંધ થયો. જ્યારે, નાસ્ડેક કમ્પોઝિટમાં 0.67% નો ઘટાડો અને S&P 500 માં 0.64% ની તેજી રહી હતી.
5 જાન્યુઆરીએ FII એ ₹3,268 કરોડના શેર્સ વેચ્યા
- 5 જાન્યુઆરીએ FIIs એ ₹115 કરોડના શેર ખરીદ્યા હતા. જ્યારે DIIs એ ₹1,479 કરોડના શેર ખરીદ્યા હતા.
- ડિસેમ્બર 2025માં FIIs એ કુલ ₹34,349.62 કરોડના શેર વેચ્યા. આ સમયગાળા દરમિયાન બજારને સંભાળી રહેલા DIIs એ ₹79,619.91 કરોડના શેર ખરીદ્યા.
- નવેમ્બર મહિનામાં FIIs એ કુલ ₹17,500.31 કરોડના શેર વેચ્યા. જ્યારે, DIIs એ ₹77,083.78 કરોડની ખરીદી કરી. એટલે કે, બજારને સ્થાનિક રોકાણકારોનો ટેકો છે.
ગઈકાલે બજારમાં ઘટાડો જોવા મળ્યો હતો આ પહેલા ગઈકાલે એટલે કે 5 જાન્યુઆરીએ શેરબજારમાં ઘટાડો જોવા મળ્યો હતો. સેન્સેક્સ 322 પોઈન્ટ ઘટીને 85,439ના સ્તરે બંધ થયો હતો. નિફ્ટીમાં પણ 78 પોઈન્ટનો ઘટાડો રહ્યો, તે 26,250ના સ્તરે બંધ થયો હતો.
