અંબાણી પરિવારની શાનદાર હેલોવીન પાર્ટી:આકાશ 'ગોમેઝ' બન્યો, શ્લોકાએ 'મોર્ટેશિયા'ના લુકમાં છવાઈ ગઈ; સેલેબ્સે પણ અતરંગી લુકમાં કોઈ કસર ન છોડી
કેમ કે આ વર્ષનો હેલોવીન બોલિવૂડ માટે કોઈ બ્લોકબસ્ટર ફિલ્મથી ઓછો નહોતો. સોશિયલ મીડિયા સ્ટાર ઓરીએ હેલોવીન પાર્ટીનો વીડિયો શેર કરતાં જ ઈન્ટરનેટ પર હલચલ મચી ગઈ છે. મુંબઈમાં આયોજિત આ ગ્રાન્ડ પાર્ટીમાં બી-ટાઉનના લગભગ બધા મોટા સેલેબ્સ અને સ્ટાર્સ સામેલ થયા હતા. આલિયા ભટ્ટ, દીપિકા પાદુકોણ, રણવીર સિંહ, અર્જુન કપૂર, આર્યન ખાન, નીતા અંબાણી, આકાશ અંબાણી અને શ્લોકા મહેતા સુધી, દરેકે પોતપોતાના અનોખા કોસ્ચ્યૂમ્સથી બધાનું ધ્યાન ખેંચ્યું. આ વીડિયો હવે સોશિયલ મીડિયા પર ઝડપથી વાઇરલ થઈ રહ્યો છે અને લોકો સ્ટાર્સના અતરંગી અંદાજને જોતાં થાકતા નથી.
ઓરીએ બતાવી અતરંગી ઝલક વીડિયોની શરૂઆત ખુદ ઓરીથી થાય છે, જે ડિઝનીની લિટલ મરમેઇડના વહાલા પાત્ર સેબેસ્ટિયન કરચલાના રૂપમાં જોવા મળે છે. તેના લાલ કોસ્ચ્યૂમ અને તોફાની એક્સપ્રેશન્સે સોશિયલ મીડિયા પર ખૂબ હાસ્ય અને વખાણ મેળવ્યાં. ત્યાર બાદ એન્ટ્રી થાય છે નીતા અંબાણીની, જે 'બ્રેકફાસ્ટ એટ ટિફનીઝ'ની આઇકોનિક ઓડ્રે હેપબર્નના રૂપમાં પાર્ટીમાં આવ્યાં હતાં. તેમની ક્લાસિક બ્લેક ઓફ-શોલ્ડર ડ્રેસ, ડાયમંડ ટિયારા અને વિન્ટેજ હેરસ્ટાઇલથી બધા આશ્ચર્યચકિત થઈ ગયા. બધા મહેમાનોમાં તેમની એલિગન્સ અને ગ્રેસની સૌથી વધુ ચર્ચા રહી
આ રીતે સજીધજીને આવ્યા હતા બોલિવૂડ સ્ટાર્સ આલિયા ભટ્ટે 'ટૉમ્બ રેડર'ની લારા ક્રોફ્ટથી પ્રેરિત લુક પસંદ કર્યો. તેણે કાળી ટી-શર્ટ, શોર્ટ્સ, બેલ્ટ અને ગૂંથેલા વાળ સાથે પોતાના એક્શન અવતારથી ફેન્સને ચોંકાવ્યા.
જ્યારે દીપિકા પાદુકોણે આ ખાસ અવસર પર તેમની આવનારી ફિલ્મની 'લેડી સિંઘમ'ડ્રેસને રિપીટ કર્યો, જેનાથી તેણે એક પાવરફુલ અને દમદાર લુક રજૂ કર્યો.
હંમેશની જેમ રણવીર સિંહે પોતાની એન્ટ્રીને યાદગાર બનાવી દીધી. તે પૂરા ડેડપૂલ ગેટઅપમાં આવ્યો હતો. લાલ અને કાળા કોસ્ચ્યૂમમાં રણવીરનો એનર્જી-ફુલ એટિટ્યૂડ પાર્ટીનું હાઇલાઇટ બની ગયો.
આકાશ અને શ્લોકાનો લુક કેવો હતો? આકાશ અંબાણી અને શ્લોકા મહેતાએ 'ધ એડમ્સ ફેમિલી'ના ગોમેઝ અને મોર્ટિસિયા એડમ્સનો લુક અપનાવ્યો, જેનાથી તેમણે એક ક્લાસી અને થોડો ડાર્ક ટચ ઉમેર્યો. સૌથી વધુ ચર્ચા આર્યન ખાનની રહી, જે સામાન્ય રીતે પાર્ટીઓથી દૂર રહે છે, પરંતુ આ વખતે તેમણે હોલિવૂડ ફિલ્મ 'બ્રોકબેક માઉન્ટેન'ના પાત્ર જેક ગિલેનહાલની સ્ટાઇલમાં એન્ટ્રી લીધી. તેમનો આ સટલ પણ ઈન્ટેન્સ લુક સોશિયલ મીડિયા પર ખૂબ પસંદ કરવામાં આવ્યો.
નીતા અંબાણીએ ખેંચ્યું બધાનું ધ્યાન ઓરીએ વીડિયોની કેપ્શનમાં પોતાના ફોલોઅર્સને પૂછ્યું કે રાતનો બેસ્ટ કોસ્ચ્યૂમ કોનો રહ્યો. કોમેન્ટ સેક્શનમાં સ્ટાર્સની પ્રતિક્રિયાઓનો ધોધ વહી ગયો. અનન્યા પાંડેએ લખ્યું, "નીતા આંટી જીતી ગયાં!" જ્યારે ખુશી કપૂર અને જાન્હવી કપૂર બંનેએ નીતા અંબાણીને રાતની મહારાણી ગણાવી. એક ફેને લખ્યું, 'આ 2025ની સૌથી શાનદાર રીલ હતી.'
Image Gallery
