ભાવનગરમાં સમીપ કોમ્પ્લેક્સમાં લાગેલી આગ કાબૂમાં:બેઝમેન્ટમાં લાગેલી આગ બિલ્ડિંગમાં પ્રસરી, કોમ્પલેક્સમાં 3-4 હોસ્પિટલ; 19 દર્દીઓનું રેસ્કયૂ કરાયું
સમીપ કોમ્પલેક્સમાં આગ લાગતા ફાયરની ટીમ તાત્કાલિક પહોંચી: સ્ટેન્ડિંગ કમિટીના ચેરમેન સ્ટેન્ડિંગ કમિટીના ચેરમેન રાજુ રાબડીયાએ જણાવ્યું કે કાળુભા રોડ સમીપ કોમ્પલેક્સમાં સવારે આગ લાગતા ફાયરની ટીમ તાત્કાલિક પહોંચી હતી. બાળકોનું રેસ્કયૂ કરાયું હતું. કોઈ જાનહાનિ થઈ નથી. પાર્કિંગમાં આગ લાગ્યાનું જાણવા મળ્યું છે. ઘટના બાદ કોમ્પલેક્સને ખાલી કરાવાયું છે.
5 ફાયર ફાઇટર-50થી વધુ કર્મચારીઓ આગ બુઝાવવાની કામગીરીમાં લાગ્યા: ફાયર ઓફિસર ફાયર ઓફિસર પ્રદ્યુમ્નસિંહે જણાવ્યું હતું કે 19-20 માણસનું રેસ્કયૂ કરાયું છે. કાળુભા રોડ પર સમીપ કોમ્પ્લેક્સમાં આગ લાગી હતી. આ કોમ્પ્લેક્સમાં મોટેભાગે હોસ્પિટલો છે. કોમ્પ્લેક્સના બ્રેઝમેન્ટમાં આગ લાગી હતી ને પછી આખી બિલ્ડિંગમાં આગ પ્રસરી હતી. 5 ફાયર ફાઇટર અને 50થી વધુ કર્મચારીઓ આગ બુઝાવવાની કામગીરીમાં લાગ્યા હતા.
આગને લઈ કોઈ જાનહાનિ થઈ નથી: મનપા કમિશનર ભાવનગરના કમિશનર એન.વી.મીનાએ જણાવ્યું કે કોમ્પલેક્સના ગ્રાઉન્ડ ફ્લોર પર કચરામાં આગ લાગી હતી. એના ધુમાડાથી હોસ્પિટલના દર્દીઓને અસર થતાં તેમને અન્ય જગ્યાએ ખસેડાયા હતા. આગને લઈ કોઈ જાનહાનિ થઈ નથી. ક્યાં કારણસર આગ લાગી હતી તેની યોગ્ય તપાસ કરી પગલાં લઈશું.
Image Gallery
