ચિંતન શિબિર માટે CM ‘ટીમ ગુજરાત’ સાથે ધરમપુર પહોંચ્યા:અઢી વાગ્યે ઉદઘાટન કરશે, ત્રિ-દિવયીય શિબિરમાં મંત્રીઓ સહિત 241 અધિકારીઓ જોડાશે
મુખ્યમંત્રી ‘ટીમ ગુજરાત’ સાથે અમદાવાદથી વંદે ભારતમાં વલસાડ ગયા આ શિબિરમાં સહભાગી થવા મુખ્યમંત્રી ભૂપેન્દ્ર પટેલ સહિત મંત્રીમંડળના સભ્યો તેમજ મુખ્ય સચિવ મનોજકુમાર દાસ સહિત રાજ્ય સરકારના વરિષ્ઠ સચિવો તથા અન્ય ઉચ્ચ અધિકારીઓ-સૌકોઈ પોતાના સરકારી વાહનને બદલે ભારતીય રેલસેવાની ‘વંદે ભારત’ સુપરફાસ્ટ ટ્રેનમાં સહપ્રવાસી બનીને અમદાવાદથી રવાના થયા હતા અને વલસાડ પહોંચ્યા હતા. જ્યાંથી બાયરોડ ધરમપુર પહોંચ્યા છે. બપોરે અઢી વાગ્યે શિબિરનું ઉદઘાટન કરશે.
ચર્ચા માટેના મુખ્ય મુદ્દા
- પોષણ અને જાહેર આરોગ્ય
- સેવાક્ષેત્રની વૃદ્ધિ અને વૈવિધ્યકરણ
- વિકસિત ગુજરાત માટે ક્ષમતા નિર્માણ
- જાહેર સલામતી અને કાયદો-વ્યોવ્યસ્થા
- હરિત ઊર્જા, પર્યાવરણ અને સસ્ટેનેબિલિટી
ચિંતન શિબિરનો હેતુ
વર્ષ 2003માં વડાપ્રધાન નરેન્દ્ર મોદીની પ્રેરણાથી શરૂ થયેલી ચિંતન શિબિરની પરંપરાનું હેતુ રાજ્ય વહીવટને વધુ નાગરિક–કેન્દ્રિત, કાર્યક્ષમ અને પારદર્શક બનાવવાનું રહ્યું છે. તેમની વિચારસરણીને આગળ ધપાવતા મુખ્યમંત્રી ભૂપેન્દ્ર પટેલના નેતૃત્વમાં 12મી ચિંતન શિબિર પ્રશાસનમાં આધુનિકતા, ટેકનોલોજીનો સદુપયોગ અને સંવેદનશીલતાનો સંગમ લાવવાનો પ્રયાસ કરશે.
ચિંતન શિબિરનો ઉદ્ઘાટન સમારોહ
ચિંતન શિબિરનું ઉદ્ઘાટન આજે બપોરે 2:30થી 3:30 દરમિયાન થશે. ઉદ્ઘાટન સત્ર બાદ ત્રણ દિવસ સુધી સતત ચર્ચા–સત્રો, પ્રેઝન્ટેશન અને જૂથ-ચર્ચાઓનું આયોજન રહેશે.
12મી ચિંતન શિબિર ‘સામુહિક ચિંતનથી સામૂહિક વિકાસ તરફ’ ત્યારે મુખ્યમંત્રી ભૂપેન્દ્ર પટેલના નેતૃત્વમાં રાજ્ય સરકારે આ પરંપરાને આગળ ધપાવતા પ્રશાસનિક સમયાનુરૂપ ટેકનોલોજી અને પારદર્શકતા સાથે સંવેદનશીલતાની નવી દિશા આપવા આ વર્ષે ’સામૂહિક ચિંતનથી સામૂહિક વિકાસ તરફ’ની થીમ સાથે ચિંતન શિબિરની 12મી કડીનું આયોજન કર્યું છે.
