અમદાવાદમાં મહિલાની મોતની છલાંગ, CCTV:ચાંદખેડામાં ત્રીજા માળેથી કૂદી મહિલાએ આપઘાત કર્યો, નીચે પડતાં જ આસપાસના લોકો દોડી આવ્યા
મહિલાએ ત્રીજા માળેથી છલાંગ લગાવતાં ઘટનાસ્થળે જ મોત ચાંદખેડામાં આવેલા દિવાળી હોમ્સમાં રહેતી મૈત્રી શ્રીમાળી નામની મહિલાએ બે દિવસ અગાઉ ફ્લેટના ત્રીજા માળેથી કૂદીને આપઘાત કરી લીધો હતો. આપઘાત કરતાં જ આસપાસના લોકો સ્થળ ઉપર ભેગા થઈ ગયા હતા, જોકે ગંભીર ઈજા થતાં મહિલાનું સ્થળ પર જ મોત થઈ ગયું હતું. આપઘાતની સમગ્ર ઘટના CCTV કેમેરામાં કેદ થઈ હતી. મહિલાના આપઘાત પાછળનું કારણ હજુ સુધી જાણવા મળ્યું નથી. મહિલા પાસેથી કોઈ સુસાઇડ નોટ પણ મળી આવી નહોતી, જેથી પોલીસે હાલ અકસ્માતે મોતનો ગુનો નોંધ્યો છે.
મહિલા નીચે પડી, જે બાદ દુપટ્ટો પણ ઊડતાં ઊડતાં પડ્યો CCTVમાં જોવા મળે છે કે ફ્લેટમાં એક સફાઈકર્મી મહિલા કચરો વાળી રહ્યા હતા ત્યારે અચાનક જ પાછળ એક મહિલા નીચે પડે છે. મહિલા પહેલા નીચે પડી, જે બાદ દુપટ્ટો પણ ઊડતાં ઊડતાં પડ્યો હતો. મહિલા પડતાં જ સફાઈકર્મચારી અને આસપાસ ઊભેલા લોકો ભેગા થઈ ગયા હતા
આપઘાત કરનારી મહિલા પાસેથી કોઈ સુસાઇડ નોટ મળી નથી બનાવ બનતાં જ ચાંદખેડા પોલીસની ટીમ ઘટનાસ્થળે પહોંચી હતી. પોલીસે તપાસ કરી, પરંતુ આપઘાત કરનારી મહિલા પાસેથી કોઈ સુસાઇડ નોટ મળી નહોતી. પોલીસની તપાસમાં હાલ મોતનું કારણ પણ જાણવા મળ્યું નહોતું. ચાંદખેડા પોલીસે સમગ્ર બાબતને લઈ વધુ તપાસ હાથ ધરી છે.
14મા માળેથી નીચે પટકાતાં જ જીવ નીકળી ગયો
