સુરતમાં પનીરના નમૂના ફેલ થતાં પ્રથમવાર ડેરીમાલિક વિરુદ્ધ ગુનો નોંધાયો:સુરભિ ડેરીનું 754 કિલો પનીર જપ્ત કરાયું હતું, હોટલો-લારીઓ પર સસ્તા ભાવે વેચતા હતા
સૌથી ગંભીર બાબત એ છે કે ડેરીના સંચાલકે પોલીસની પ્રાથમિક પૂછપરછમાં જ કબૂલી લીધું હતું કે આ પનીર નકલી છે. આ ડેરી રોજેરોજ આશરે 200 કિલો નકલી પનીર સુરતના બજારમાં ઠાલવી રહી હતી, જે અસલી પનીરના ભાવ કરતાં અડધી કિંમતે 250થી 270 રૂપિયા પ્રતિ કિલોના ભાવે વેચાતું હતું, જેમાં નકલી પનીર બનાવવા ગ્લેશિયલ એસેટિક એસિડનો ઉપયોગ કરતા. આ એસિડનો ઉપયોગ દૂધને ફાડીને ઝડપથી પનીર બનાવવા માટે થતો હોવાની આશંકા છે, જે સ્વાસ્થ્ય માટે ગંભીર નુકસાનકારક છે.
755.621 કિલોગ્રામ શંકાસ્પદ પનીરનો જથ્થો સુરતના ખટોદરા પોલીસ હદ વિસ્તારમાં આઈ.એન.એસ. હોસ્પિટલની પાછળ આવેલા સોરઠિયા કંપાઉન્ડમાં દુકાન નંબર 434 ખાતેના ગોડાઉન પર દરોડો પાડ્યો હતો. આ ગોડાઉન 'સુરભિ ડેરી' દ્વારા વિતરણ કેન્દ્ર તરીકે ઉપયોગમાં લેવાતું હતું. દરોડા સમયે, ગોડાઉન પર ડેરીના સંચાલક શૈલેષભાઈ છગનભાઈ પટેલ હાજર મળ્યા હતાં.
પોલીસે જ્યારે ગોડાઉનની તપાસ કરી ત્યારે ત્યાંથી 755.621 કિલોગ્રામ શંકાસ્પદ પનીરનો જથ્થો મળ્યો હતો, જેની કિંમત રૂપિયા 1,81,343 આંકવામાં આવી હતી. આ પનીર પ્લાસ્ટિકના પેકિંગમાં વેચાણ માટે તૈયાર રખાયું હતું. પોલીસે શૈલેષભાઈની કડકાઈથી પૂછપરછ કરતાં, તેમણે કબૂલ્યું કે આ તમામ જથ્થો વેચાણ માટે તેમના મુખ્ય મેન્યુફેક્ચરિંગ યુનિટ, જે ઓલપાડના સાયણ ખાતે આવેલું છે, ત્યાંથી મગાવવામાં આવ્યો હતો.
પ્રશ્ન- પનીર ખરીદતી વખતે કઈ બાબતોનું ધ્યાન રાખવું જોઈએ? જવાબ- પનીર ખરીદતી વખતે દુકાનદાર પાસેથી સેમ્પલ તરીકે અમુક પનીર ચોક્કસથી મગાવો. આ પછી આ મુદ્દાઓને ધ્યાનમાં રાખો.
- વાસ્તવિક પનીર નરમ અને સ્પંજી હોય છે, તેથી ખરીદતી વખતે ખાતરી કરો કે ચીઝને થોડું દબાવો. જો એની રચના સખત હોય તો એ નકલી ચીઝ હોઈ શકે છે.
- વાસ્તવિક પનીર માત્ર દૂધમાંથી જ બનાવવામાં આવે છે, ેમાં દૂધ સિવાય અન્ય કોઈ ગંધ કે સ્વાદ નથી. જો પનીર ખાધા પછી તમને દૂધ સિવાય અન્ય કોઈ સ્વાદ લાગે તો પનીરમાં ભેળસેળ થઈ હોઈ શકે છે.
- વાસ્તવિક પનીર રબરની જેમ ખેંચાતું નથી. એ નરમ અને કોમળ રહે છે.
Image Gallery
