PM મોદી આંધ્રપ્રદેશ-તમિલનાડુની મુલાકાતે:સત્ય સાંઈ બાબા મંદિરમાં પૂજા કરી, સિક્કો અને ટપાલ ટિકિટ જાહેર કરશે
મુખ્યમંત્રી નાયડુએ પીએમ મોદીનું સ્વાગત કર્યું
પુટ્ટપર્થીમાં શ્રી સત્ય સાંઈ બાબાના જન્મ શતાબ્દી સમારોહમાં હાજરી આપતાં મુખ્યમંત્રી એન. ચંદ્રબાબુ નાયડુએ PM નરેન્દ્ર મોદીનું સ્વાગત કર્યું. ભૂતપૂર્વ ભારતીય ક્રિકેટર સચિન તેંડુલકર, અભિનેત્રી ઐશ્વર્યા રાય બચ્ચન, કેન્દ્રીય મંત્રીઓ રામ મોહન નાયડુ કિંજરાપુ અને જી કિશન રેડ્ડી પણ હાજર હતા.
નેચરલ ફાર્મિંગ સમિટમાં 50 હજાર ખેડૂતો હાજરી આપશે.
દક્ષિણ ભારત નેચરલ ફાર્મિંગ સમિટ 2025 19 થી 21 નવેમ્બર દરમિયાન યોજાઈ રહી છે. તેનું આયોજન તમિલનાડુ નેચરલ ફાર્મિંગ સ્ટેકહોલ્ડર્સ ફોરમ દ્વારા કરવામાં આવ્યું છે.
આ સમિટ ખેડૂતો અને ગ્રામીણ ઉદ્યોગસાહસિકો માટે બજાર-સંલગ્ન તકોનું સર્જન પણ કરશે, અને જૈવિંક ખાતરો, કૃષિ-પ્રક્રિયા, પર્યાવરણને અનુકૂળ પેકેજિંગ અને સ્વદેશી તકનીકોમાં નવીનતાઓ પ્રદર્શિત કરશે.
આ કાર્યક્રમમાં તમિલનાડુ, પુડુચેરી, કેરળ, તેલંગાણા, કર્ણાટક અને આંધ્રપ્રદેશના 50,000થી વધુ ખેડૂતો, કુદરતી ખેતી નિષ્ણાતો, વૈજ્ઞાનિકો અને કૃષિ વ્યાવસાયિકો ભાગ લેશે.
નેચરલ ફાર્મિંગ સમિટના 3 ઉદ્દેશ્યો...
- નેચરલ, રસાયણ મુક્ત અને પર્યાવરણને અનુકૂળ ખેતીને પ્રોત્સાહન આપવું.
- ખેડૂતોને કુદરતી અને પુનર્જીવિત ખેતી અપનાવવા માટે પ્રોત્સાહિત કરવા.
- ખેતીને આબોહવા-સ્માર્ટ અને આર્થિક રીતે યોગ્ય મોડેલ બનાવવું.
પીએમ મોદીની આંધ્રપ્રદેશ અને તમિલનાડુની છેલ્લી મુલાકાત...
16 ઓક્ટોબર, આંધ્રપ્રદેશ: 13,430 કરોડ રૂપિયાના પ્રોજેક્ટ્સનું ઉદ્ઘાટન કર્યુ હતું
16 ઓક્ટોબરના રોજ, વડાપ્રધાન નરેન્દ્ર મોદીએ આંધ્રપ્રદેશના કુર્નૂલમાં ₹13,430 કરોડના પ્રોજેક્ટ્સનું ઉદ્ઘાટન અને શિલાન્યાસ કર્યો. આ પ્રસંગે, મોદીએ જણાવ્યું હતું કે 2047માં, જ્યારે ભારત તેની સ્વતંત્રતાની 100મી વર્ષગાંઠ ઉજવશે, ત્યારે તે "વિકસિત ભારત" હશે. તેમણે કહ્યું "હું વિશ્વાસપૂર્વક કહું છું કે 21મી સદી ભારતની, 140 કરોડ ભારતીયોની સદી હશે."
Image Gallery
