'સાહેબ, જમીન-જાગીર હોય તો પણ લગ્ન થતા નથી...':15 લગ્ન કરનારી ચાંદની સાથે લગ્ન કરી લાખો રૂપિયા ગુમાવનાર બે યુવકોએ આપવીતી જણાવી, લૂંટેરી દુલ્હન ગેંગની મોડસ ઓપરેન્ડી ખુલ્લી પડી
બે અજાણી મહિલાઓએ યુવકના મોબાઈલ પર ચાંદનીના ફોટો મોકલ્યા દહેગામ ખાતે રહેતા 32 વર્ષીય યુવકે ભાસ્કરને પોતાની આપવીતી જણાવતા કહ્યું કે, અમદાવાદના નરોડામાં રહેતા આરતી બહેન અને જાગૃતિ બહેને મારા નંબર પર ચાંદનીના ફોટા લગ્ન માટે મોકલ્યા હતા.મને ખબર નહોતી કે આ લોકો પાસે મારો બાયોડેટા ક્યાંથી આવ્યો? ચાંદનીનો ફોટો મને સારો લાગતા હું 1 ઓક્ટોબર 2025ના રોજ આરતી અને જાગૃતિ ને મળવા અમદાવાદના મેમકો ચાર રસ્તા પર ગયો હતો.જ્યાં ચાંદનીની મુલાકાત કરાવી હતી.ત્યાં ચાંદનીની માતા એક અન્ય યુવક જેણે ચાંદનીનો ભાઈ બતાવ્યો હતો હતો અને ચાંદનીની ગામ રાજસ્થાનનું ઝાલોર ગામ બતાવ્યું હતું ત્યારબાદ રાજુ ભાઈ આ લોકો સાથે મુલાકાત કરાવી હતી.યુવતી પસંદ પડી હોય સાંજે ઘરે આવીને મારા માતાપિતાને જાણ કરી હતી.
ચાંદનીની પરિવારની આર્થિક સ્થિતિન નબળી હોય લગ્ન માટે ત્રણ લાખ માગ્યા ભોગ બનનાર યુવકે વધુમાં જણાવ્યું હતું કે, 2 ઓક્ટોબરના રોજ આ લોકો મારા ઘરે આવ્યા હતા.જ્યાં રાજુ ભાઈએ કહ્યું હતું કે, લગ્નના 20 દિવસ બાદ હું નવા બાઇક શો રૂમના ઉદઘાટનમાં વ્યસ્ત છુ એટલે લગ્ન ઝડપી કરી લો.રાજુભાઇએ લગ્ન પહેલા એવી શરત મૂકી હતી કે, યુવતીના પરિવારની હાલત ખરાબ છે.ઘરે કમાવનાર કોઈ છે નહીં.પિતા હોસ્પિટલમાં દાખલ છે આવા બધા બહાના કાઢયા હતા અને અને લગ્ન પેટે 3 લાખ રૂપિયા ચાંદનીના પરિવારને આપવા પડશે એવું કહ્યું હતું.જેથી અમે રાજુભાઇના હાથમાં ત્રણ લાખ રૂપિયા આપ્યા હતા.
લગ્ન થયા પછી ચાંદની એક જ અઠવાડિયું રહી પૈસા લીધા બાદ ચાંદની સાથે્ 3 ઓક્ટોબરના રોજ લગ્ન કરાવવામાં આવ્યા હતા.ત્યારબાદ ચાંદની એક અઠવાડિયા સુધી ઘરે રહી હતી.આ દરમિયાન ચાંદનીએ અનેક બહાના કાઢ્યા હતા.કોઈ દિવસ માથું દુખે છે કોઈ દિવસ તબિયત ખરાબ નથી મારા પિતા બીમાર છે મારે ગમે ત્યારે ત્યાં જવું પડશે આવા બહાના કાઢયા કરતી હતી.
ચાંદનીને તેડી ગયા બાદ બહાનાબાજી શરૂ કરવામાં આવી 10 ઓક્ટોબરે ચાંદનીને તેડી જવાની વિધિ રાખી હતી.જેથી તેણીને તેડવા રાજુભાઇ આવ્યા હતા અને કહ્યું હતું કે ચાંદની પાંચ દિવસ અમદાવાદ રહેશે.ચાંદની એના ઘરે ગઈ એ દરમિયાન મારે સાદો ફોન અને સિમ આપ્યા હતા.વાતચીત થાય એ માટે પરંતુ અમદાવાદ ગયા બાદ ચાંદનીએ બહાના બાજી ચાલુ કરી હતી કોઈ દિવસ કહે ફોનમાં ચાર્જ રહેતું નથી કોઈ દિવસ કહે બેટરી ખરાબ થઈ ગઈ છે.
15 ઓક્ટોબર બેચરાજી પોલીસ ઘરે આવી સમગ્ર ફ્રોડ અંગે જાણ કરી ફરિયાદી યુવકે ભાસ્કરને કહ્યું કે ચાંદનીના અમદાવાદ ગયા બાદ અમને એવુ હતું કે, એ પોતાની માતાના ઘરે છે. પરંતુ 15 ઓક્ટોબર જ્યારે બેચરાજી પોલીસ મારા ઘરે આવી ત્યારે અમને આ સમગ્ર ફ્રોડ બાબતે જાણ કરતા અમે સૌ કોઈ ચોકી ઉઠ્યા હતા.પોલીસ આવી ત્યારે ફ્રોડની જાણ થઈ હતી.પોલીસે મને કહ્યું ,તમારા નજીકના પોલીસ મથકમાં આ બાબતે જાણ કરી ફરિયાદ નોંધાવો જેથી ફરિયાદી ફરિયાદ નોંધાવવા ગયા એ દરમિયાન કોઈ એ ફરિયાદ લીધી નહિ બીજા દિવસે વકીલ મારફતે મેં ફરિયાદ મૂકી હતી.પરંતુ હજુ સુધી ફરિયાદ દાખલ થઈ નથી.
'ચાંદની પિયર ગઈ ત્યારે 4 તોલા સોનુ અને રૂપિયા લેતી ગઈ' ફરિયાદી એ કહ્યું, મારા ત્રણ લાખ રૂપિયા લગ્ન દરમિયાન ગયા છે.ત્યારબાદ મારા ઘરે આવ્યા બાદ કપડાં દાગીનાના 50 હજાર ગયા, ત્યારબાદ જ્યારે આ ચાંદની 10 તારીખે એના ઘરે જવાની હતી એ દરમિયાન કોઈને જાણ કર્યા વગર ચાર તોલા સોનુ અને 1 લાખ 35 હજાર મારા ઘરેથી ચોરી કરી લઈ ગઈ છે.એ ઘરમાં કોઈ ને ખબર નથી.જ્યારે પોલીસ અમારા ઘરે આવી ત્યારે અમને જાણ થતાં ઘરમાં તપાસ કરી ત્યારે જાણ થઈ.
દહેગામના યુવક બાદ હવે વાત અમ
અમદાવાદમાં કપડાની દુકાનમાં કામ કરતા યુવકને ફસાવ્યો અમદાવાદમાં કપડાની દુકાનમાં કામ કરતા 32 વર્ષીય યુવકે પોતાની આપવીતી જણાવતા કહ્યું કે, 2024માં એક લક્ષમી બહેન કરીને મહિલા હતી એ આ ચાંદની,રાજુભાઇ ચાંદનીની માતાને મારા ઘરે અમદાવાદ લઈ આવ્યા હતા.ત્યારબાદ મને યુવતી ગમતા રાજુભાઇ નામના વ્યક્તિએ લગ્ન માટે વાત કરી હતી.ત્યારબાદ આ ચાંદની રાજસ્થાનના ઝાલોર ગામની છે.પરિવાર ગરીબીમાં જીવે છે એવું કહ્યું હતું.તેમજ ચાંદનીના પિતા બીમાર છે લગ્ન માટે તમારે 2 લાખ આપવા પડશે એમ કહી લગ્નની વાત કરી હતી.જેથી યુવકે કહ્યું કે મારા પાસે હાલમાં 1 લાખ 70 હજાર રૂપિયા છે.બાકીના 30 હજાર પછી આપવાની વાત થઈ હતી.
એક ઓફિસમાં લગ્નવિધિ કરી અને રૂ. 1.70 લાખ આપ્યા 16 નવેમ્બર 2024 માં આ લોકો અમને અમદાવાદ એક ઓફિસમાં લઈ ગયા હતા ત્યાં અમારા લગ્ન કરાવ્યા હતા.ત્યારબાદ રાજુભાઈએ એક હોટેલમાં જમણવાર રાખ્યો હતો.આ જમણવારમાં પાંચ વ્યક્તિ અમારા પાંચ વ્યક્તિ યુવતી તરફથી હતા.આ દરમિયાન અમે હોટેલમાં રાજુભાઇને રૂ. 1.70 લાખ આપ્યા હતા એ દરમિયાન સબૂત માટે મારી માતાએ મોબાઈલમાં ફોટો પાડવાનું કહેતા રાજુભાઇએ ઝઘડો કર્યો હતો અને ફોટો પાડવા દીધો નહોતો.
લગ્ન કર્યા બાદ યુવતી બે દિવસ જ ઘરે રોકાઈ લગ્ન બાદ આ ચાંદની બે દિવસ મારા ઘરે રોકાઈ હતી.આ બે દિવસ દરમિયાન તેણે બહુ બહાનાબાજી કરી હતી.ઘડીકમાં માથું દુખે છે, ઘડીકમાં તબિયત સારી નથી આવા બહાના બનાવ્યા હતા.બે દિવસ બાદ રાજુભાઇ ગાડી લઈ ચાંદની ને તેડવા આવ્યા હતા. કારણ કે, ચાંદનીના પિતા બીમાર હતા એટલે તેઓ તેણીને લઈ ગયા હતા.ચાંદનીને મેં મારો સાદો ફોન આપ્યો હતો.
Image Gallery
