એક અઠવાડિયામાં ચાંદીનો ભાવ ₹13,230 વધીને ₹1.64 લાખ થયો:સોનું પણ ₹3,445 મોંઘું થયું; આ વર્ષે ગોલ્ડ ₹50,429 અને સિલ્વર ₹78,342 મોંઘી થઈ
આ વર્ષે સોનું ₹50,429 અને ચાંદી ₹78,342 મોંઘી થઈ
- આ વર્ષે અત્યાર સુધીમાં સોનાની કિંમત 50,429 રૂપિયા વધી છે. 31 ડિસેમ્બર 2024ના રોજ 10 ગ્રામ 24 કેરેટ સોનું 76,162 રૂપિયાનું હતું, જે હવે 1,26,591 રૂપિયા થઈ ગયું છે.
- ચાંદીનો ભાવ પણ આ દરમિયાન 78,342 રૂપિયા વધી ગયો છે. 31 ડિસેમ્બર 2024 ના રોજ એક કિલો ચાંદીની કિંમત 86,017 રૂપિયા હતી, જે હવે 1,64,359 રૂપિયા પ્રતિ કિલો થઈ ગઈ છે.
સોનું ખરીદતી વખતે આ 2 બાબતોનું ધ્યાન રાખો
1. ફક્ત સર્ટિફાઈડ સોનું જ ખરીદો
હંમેશાં બ્યૂરો ઓફ ઇન્ડિયન સ્ટાન્ડર્ડ્સ (BIS)ના હોલમાર્ક ધરાવતું સર્ટિફાઈડ સોનું જ ખરીદો. સોના પર 6-અંકનો હોલમાર્ક કોડ હોય છે. એને હોલમાર્ક યુનિક આઇડેન્ટિફિકેશન નંબર અથવા HUID કહેવામાં આવે છે. આ નંબર આલ્ફાન્યુમેરિક છે, એટલે કે કંઈક આના જેવો - AZ4524. હોલમાર્કિંગ દ્વારા સોનું કેટલા કેરેટનું છે એ જાણી શકાય છે.
2. કિંમત ક્રોસ ચેક કરો
ખરીદીના દિવસે સોનાનું ચોક્કસ વજન અને એની કિંમત બહુવિધ સ્ત્રોતો (જેમ કે ઇન્ડિયા બુલિયન એન્ડ જ્વેલર્સ એસોસિયેશનની વેબસાઇટ) પરથી તપાસો. સોનાની કિંમત 24 કેરેટ, 22 કેરેટ અને 18 કેરેટ પ્રમાણે બદલાય છે. 24 કેરેટ સોનાને સૌથી શુદ્ધ સોનું માનવામાં આવે છે, પરંતુ એમાંથી ઘરેણાં બનાવવામાં આવતા નથી, કારણ કે એ ખૂબ જ નરમ હોય છે. સામાન્ય રીતે 22 કેરેટ કે તેથી ઓછા કેરેટ સોનાનો ઉપયોગ ઘરેણાં માટે થાય છે.
