સેન્સેક્સ 350 પોઈન્ટ વધીને 85,150 પર ટ્રેડિંગ:નિફ્ટીમાં 100 પોઈન્ટનો ઉછાળો; મેટલ, રિયલ્ટી અને બેન્કિંગ શેરોમાં તેજી
ગ્લોબલ માર્કેટમાં મિશ્ર કારોબાર
- એશિયન બજારોમાં જાપાનનો નિક્કેઈ ઇન્ડેક્સ 0.92% વધીને 50,610 પર અને કોરિયાનો કોસ્પી 0.88% વધીને 4,150 પર કારોબાર કરી રહ્યા છે.
- હોંગકોંગનો હેંગસેંગ ઇન્ડેક્સ 1.26% વધીને 25,851 પર અને ચીનનો શાંઘાઈ કમ્પોઝિટ 0.021% પર કારોબાર કરી રહ્યા છે.
- 11 ડિસેમ્બરે અમેરિકાનો ડાઉ જોન્સ 1.34% વધીને 48,704 પર અને S&P 500 0.21% વધીને 6,901 પર બંધ થયા. જ્યારે, નાસ્ડેક કમ્પોઝિટ 0.25% ઘટ્યો.
ICICI પ્રુડેન્શિયલ એસેટ મેનેજમેન્ટનો IPO આજથી ઓપન
ICICI પ્રુડેન્શિયલ એસેટ મેનેજમેન્ટ કંપનીનો IPO આજે (12 ડિસેમ્બર) થી ઓપન થઈ રહ્યો છે. રોકાણકારો તેમાં 16 ડિસેમ્બર સુધી બોલી લગાવી શકશે. કંપની આ ઇશ્યૂ દ્વારા 10,600 કરોડ રૂપિયા એકત્ર કરવા માંગે છે. આ સંપૂર્ણ ઇશ્યૂ ઓફર ફોર સેલ છે. જેમાં પ્રુડેન્શિયલ કોર્પોરેશન તેની 9.9% હિસ્સેદારી વેચી રહી છે.
બજારને સ્થાનિક રોકાણકારો સંભાળી રહ્યા છે, આ મહિને ₹36,101ના શેર ખરીદ્યા
- 11 ડિસેમ્બરે વિદેશી રોકાણકારો (FIIs) એ કેશ સેગમેન્ટમાં ₹2,020.94 કરોડના શેર વેચ્યા. જ્યારે સ્થાનિક રોકાણકારો (DIIs) એ ₹3,796.07 કરોડની ખરીદી કરી.
- ડિસેમ્બરમાં 10 તારીખ સુધી FIIs એ કુલ ₹18,491.29 કરોડના શેર વેચ્યા છે. આ દરમિયાન બજારને સંભાળી રહેલા DIIs એ ₹36,101.26 કરોડના શેર ખરીદ્યા છે.
- નવેમ્બર મહિનામાં FIIs એ કુલ ₹17,500.31 કરોડના શેર વેચ્યા. જ્યારે, DIIs એ ₹77,083.78 કરોડની ખરીદી કરી. એટલે કે, બજારને સ્થાનિક રોકાણકારોનો ટેકો છે.
ગઈકાલે બજાર 426 અંક વધીને બંધ થયું હતું
શેરબજારમાં આજે એટલે કે 11 ડિસેમ્બરે તેજી જોવા મળી. સેન્સેક્સ 426 પોઈન્ટના ઉછાળા સાથે 84,818 પર બંધ થયો છે. જ્યારે નિફ્ટીમાં પણ લગભગ 140 પોઈન્ટનો વધારો જોવા મળ્યો, તે 25,898 પર બંધ થયો છે.
જ્યારે સેન્સેક્સના 30 શેરોમાંથી 21માં તેજી જોવા મળી. નિફ્ટીના 50માંથી 39 શેર તેજી સાથે બંધ થયા. બેન્કિંગ, એનર્જી અને ઓટો શેરોમાં ખરીદી જોવા મળી.
Image Gallery
