અમદાવાદમાં રોંગસાઈડમાં આવેલી કારે એક્ટિવાચાલકને ઉડાવ્યો, CCTV:બેફામ સ્પીડે કાર ચલાવી ત્રણ વાહનોને અડફેટે લીધા, સદનસીબે જાનહાનિ ટળી
એક્ટિવા સહિત ત્રણ વાહનોને અડફેટે લીધા નારણપુરાના ભાવિન ચાર રસ્તા ખાતે ગઈકાલે સાંજના સમયે પૂર ઝડપે એક કાર રોંગ સાઈડમાં આવી રહી હતી.કાર ચાલકે ચાર રસ્તા પાસે પહોંચતા સ્ટેરીંગ પરથી કાબુ ગુમાવ્યો હતો.જેના કારણે ચાર રસ્તા પર એક્ટિવા રીક્ષા અને અન્ય કારને ટક્કર મારી હતી. આ ટક્કર વાગતા એક્ટિવા ચાલક એક્ટિવા પરથી નીચે પછડાયો હતો,જ્યારે રિક્ષાને ટક્કર વાગતા રીક્ષાની દિશા પણ બદલાઈ ગઈ હતી.
પોલીસે સીસીટીવીના આધારે કારચાલકની શોધખોળ શરૂ કરી સમગ્ર અકસ્માતના સીસીટીવી ફૂટેજ સામે આવ્યા છે.જેમાં પૂર ઝડપે આવી રહેલ કાર ચાલક દેખાઈ રહ્યો છે.સદનસીબે અકસ્માતમાં મોટી જાનહાની થઈ નથી. અકસ્માત અંગે બી ડિવિઝન ટ્રાફિક પોલીસે સીસીટીવી ફૂટેજના આધારે તપાસ શરૂ કરી છે.
