આખા નેપાળ પર હવે સેનાનો કબજો:PM ઓલીનું રાજીનામું, છતાં હિંસા ચાલુ
નેપાળમાં સોશિયલ મીડિયા પર પ્રતિબંધ અને ભ્રષ્ટાચાર વિરુદ્ધ ચાલી રહેલા આંદોલનનો આજે ત્રીજો દિવસ છે. હિંસક વિરોધ પ્રદર્શનોને રોકવા માટે સેનાએ મંગળવારે રાત્રે 10 વાગ્યાથી સમગ્ર દેશનો કબજો સંભાળી લીધો છે.
નેપાળી સેનાએ કહ્યું કે મુશ્કેલ સમયનો લાભ લઈને કેટલાક બદમાશો સામાન્ય લોકો અને સરકારી સંપત્તિને નુકસાન પહોંચાડી રહ્યા છે. લૂંટફાટ અને આગચંપી જેવા કૃત્યો થઈ રહ્યા છે. આવી પ્રવૃત્તિઓ બંધ કરો.
વિરોધીઓના ગુસ્સાને જોઈને કેપી શર્મા ઓલીએ વડાપ્રધાન પદ પરથી રાજીનામું આપી દીધું છે અને કાઠમંડુ છોડી દીધું છે. અગાઉ, વિરોધીઓએ કેપી ઓલીના ખાનગી ઘર, રાષ્ટ્રપતિ ભવન અને સુપ્રીમ કોર્ટમાં આગ લગાવી હતી.
રાજધાની કાઠમંડુ અને આસપાસના વિસ્તારોમાં અથડામણ અને આગચંપીમાં અત્યાર સુધીમાં 22 લોકો માર્યા ગયા છે, જ્યારે 400થી વધુ લોકો ઘાયલ થયા છે.
