ટ્રમ્પને મળશે અરબ અને ઇસ્લામી દેશોના નેતા..?
ગાઝામાં ચાલી રહેલા યુદ્ધ અને તબાહી વચ્ચે અમેરિકી રાષ્ટ્રપતિ ડોનાલ્ડ ટ્રમ્પ મંગળવારે ઇસ્લામી દેશોના નેતાઓ સાથે મુલાકાત કરશે અને તેની સાથે ગાઝામાં યુદ્ધ સમાપ્ત કરવાની ત્રણ સૂત્રીય અમેરિકી યોજના પણ શેર કરશે.ઈઝરાયલી સેના દ્વારા ગાઝા પર જોરદાર હમલાઓ ચાલુ છે. આવી સ્થિતિમાં ભારે તબાહી અને જાનમાલના નુકસાનને લઈને ચિંતિત ઘણા ઈસ્લામી દેશોએ અમેરિકામાં સંયુક્ત રાષ્ટ્ર મહાસભા (યુએનજીએ) ની બેઠક દરમ્યાન પ્રમુખ ડોનાલ્ડ ટ્રમ્પ સાથે મુલાકાત કરવાની યોજના બનાવી છે. આ દેશોમાં સાઉદી અરબ, સંયુક્ત અરબ અમીરાત (યુએઈ), જોડન, તુર્કીਏ, ઈન્ડોનેશિયા અને પાકિસ્તાનનો સમાવેશ થાય છે. એવી માહિતી મળી રહી છે કે આ મુલાકાત દરમિયાન ટ્રમ્પ આ ઈસ્લામી દેશોના નેતાઓ અને અધિકારીઓને ગાઝામાં યુદ્ધ બંધ કરવાની અમેરિકા તરફથી રચાયેલી યોજના વિશે માહિતી આપશે.
ટ્રમ્પ આપી શકે છે ભાષણ
એક રિપોર્ટ અનુસાર બે અમેરિકન અને બે અરબ અધિકારીઓએ જણાવ્યું કે ટ્રમ્પ મંગળવારે અરબ અને ઈસ્લામી દેશોના નેતાઓના એક જૂથ સાથે મુલાકાત કરશે અને ગાઝામાં સ્થાયી યુદ્ધ વિરામ બાદ કોનું શાસન હશે, તેના વિશે યોજના અંગે અવગત કરશે. જોકે, હજી સુધી સ્પષ્ટ નથી કે ટ્રમ્પ યુએનજીએમાં તેમના ભાષણ દરમિયાન ગાઝા વિશેના પ્રસ્તાવો પર પણ વાત કરશે કે નહીં. તેમનું આ ભાષણ ઈસ્લામી દેશોના નેતાઓ સાથેની મુલાકાત પહેલા થશે.
Image Gallery
