5 વર્ષ પછી ચીનની ફ્લાઇટ્સ ફરી શરૂ,શાંઘાઈ-દિલ્હી રૂટ 9 નવેમ્બરથી થશે ફરી શરૂ
ઈન્ડિગોની ફ્લાઇટ 6E1703 કોલકાતાના નેતાજી સુભાષ ચંદ્ર બોઝ આંતરરાષ્ટ્રીય એરપોર્ટથી ચીનના ગુઆંગઝુ માટે રવાના થઈ હતી. ફ્લાઇટ રાત્રે 10:07 વાગ્યે રવાના થઈ હતી. એરપોર્ટ ડિરેક્ટરે સોશિયલ મીડિયા પર ફ્લાઇટનો વીડિયો પણ શેર કર્યો હતો. ફ્લાઇટ સવારે 4:05 વાગ્યે ગુઆંગઝુ બાયયુન આંતરરાષ્ટ્રીય એરપોર્ટ પર પહોંચવાનું છે.
બંને દેશો વચ્ચે ફ્લાઇટ્સ ફરી શરૂ કરવા પાછળનો ઉદ્દેશ્ય વેપાર
બંને દેશો વચ્ચે ફ્લાઇટ્સ ફરી શરૂ કરવા પાછળનો ઉદ્દેશ્ય વેપાર, પર્યટન અને લોકો વચ્ચેના સંપર્કને સરળ બનાવવાનો છે. ઈન્ડિગો કોલકાતા અને ગુઆંગઝુ વચ્ચે દૈનિક નોન-સ્ટોપ ફ્લાઇટ્સ ચલાવશે. દિલ્હી અને ગુઆંગઝુ વચ્ચે વધારાની ફ્લાઇટ્સ 10 નવેમ્બરથી શરૂ થશે. શાંઘાઈ-દિલ્હી રૂટ 9 નવેમ્બરથી ફરી શરૂ થશે.
પાંચ વર્ષ પછી ભારત અને ચીન વચ્ચે સીધી હવાઈ સેવા ફરી શરૂ થઈ
પાંચ વર્ષ પછી ભારત અને ચીન વચ્ચે સીધી હવાઈ સેવા ફરી શરૂ થઈ ગઈ છે. 26 ઓક્ટોબર 2025 ને કોલકાતાથી ચીનના ગુઆંગઝુ માટે ઇન્ડિગો એરલાઈન્સની પહેલી સીધી ઉડાન ઉડાવી, જેના દ્વારા બંને દેશો વચ્ચે હવાઈ સંપર્ક પુનઃસ્થાપિત થયો. આ ઉડાન COVID-19 મહામારી અને સીમા સંઘર્ષને કારણે 2020 થી રોકાઈ હતી.
