પિતાએ 5 બાળકો સાથે ગળે ફાંસો ખાધો, 4નાં મોત:બચી ગયેલા બાળકે કહ્યું- ગળે મમ્મીની સાડી બાંધી, ટ્રંક પર ચડવાનું કહી છત પર લટકાવ્યા, એકસાથે કુદવાનું કહ્યું ને અમે કુદી પડ્યાબિહારના મુઝફ્ફરપુરમાં એક સનસનાટી ભરી ઘટના સામે આવી છે. જેમા એક પિતાએ પોતાના પાંચ બાળકો
ઈંડા ભુજીયા અને ભાત ખાઈને સૂતા હતા
અમરનાથના દીકરા શિવમે જણાવ્યું કે રાત્રે આખા પરિવારે જમવામાં ઈંડા ભુજીયા અને બટાકા-સોયાબીનની સબ્જી સાથે ભાત ખાધા હતા. બહેને જમવાનું બનાવ્યું હતું. અમારી માતાનું અવસાન થઈ ગયું છે. અમારા પરિવારમાં પપ્પા જ હતા. તેઓ જ અમારું ધ્યાન રાખતા હતા.
માતાની સાડીથી બધાને ફાંસી પર લટકવાનું કહ્યું
પુત્રએ જણાવ્યું કે 'પિતાએ બધાને જગાડ્યા. હું મોબાઈલ જોઈ રહ્યો હતો એટલે મને ઊંઘ નહોતી આવી. પપ્પાએ અમારા પાંચેય (ત્રણ દીકરી અને બે દીકરા)ના ગળામાં માતાની સાડીથી ફાંસો નાખીને ટ્રંક પર ચડવાનું કહ્યું અને ઘરની છત પર લટકાવી દીધા.
ત્યારબાદ તેમણે અમને ટ્રંક પરથી કૂદવાનું કહ્યું. બધી બહેનો પપ્પા સાથે ઝટકાથી કૂદી પડી. હું પણ કૂદી પડ્યો, પણ ગળું દબાવાથી દુખાવો થતાં ફાંસો ઢીલો કરી દીધો અને પોતાને ફાંસામાંથી કાઢી લીધો.
ત્યારબાદ મેં મારા ભાઈ ચંદનના ગળામાંથી પણ ફાંસો ખોલી નાખ્યો અને બહાર નીકળીને બૂમો પાડવા લાગ્યો.'
પડોશીઓ બોલ્યા- ઘરની સ્થિતિ ખરાબ હતી, પત્નીનું અવસાન થઈ ગયું હતું
મૃતકના કાકા સીતારામ રામે જણાવ્યું કે સવારે 4:00 વાગ્યે એક બાળક આવીને બોલ્યો કે પપ્પાએ બધાને ફાંસી પર લટકાવી દીધા. ત્યારબાદ પોતે પણ લટકી ગયા. હું તરત જ ઘટનાસ્થળે પહોંચ્યો. જોયું કે ચાર લોકો જેમાં મારો ભત્રીજો તેની ત્રણ દીકરીઓ સાથે ફાંસીના ફંદા પર લટકીને જીવ આપી દીધો છે.
તે કંઈ કામ કરતો ન હતો, જેમ તેમ ઘર ચાલતું હતું. ડીલર પાસેથી રાશન-પાણી આવતું હતું તેમાંથી જ તેનો પરિવાર ચાલતો હતો. ગયા વર્ષે હોળીના સમયે પત્ની પણ મૃત્યુ પામી હતી. ત્રણ દીકરીઓ અને બે દીકરાઓ સાથે રહેતો હતો.
Image Gallery
