મહિલાના માથા પરથી ડમ્પર ફરી વળતા માથું છુંદાયું, CCTV:વાળીનાથ ચોક પાસે જમાઈની ખબર કાઢવા જતા દંપતીને ડમ્પરે ટક્કર મારી
એએમસીના ડમ્પરચાલકે એક્ટિવાને ટક્કર મારતા દંપતી રોડ પર પટકાયું ચાંદલોડિયામાં રહેતા 45 વર્ષીય ગાયત્રીબેન પ્રજાપતિ ગત 13 ડિસેમ્બરે સાંજે પતિ મનોજભાઇ સાથે એક્ટિવા પર પાંજરાપોળ ખાતે આવેલી હોસ્પિટલમાં જમાઇની ખબર પૂછવા જતા હતા.વાળીનાથ ચોક બીઆરટીસ બસ સ્ટેન્ડ પાસે પહોચતી વખતે એએમસીના ડમ્પરચાલકે એક્ટિવાને ટક્કર મારતા દંપતી રોડ પર પટકાયુ હતુ.ગાયત્રીબેન નીચે પડતા ડમ્પરનું પાછળનું વ્હીલ તેમના માથા પરથી ફરી વળતા માથું છુંદાઇ જતા તેમનું ઘટનાસ્થળે મોત નિપજ્યુ હતુ, જ્યારે મનોજભાઇને સામાન્ય ઇજા પહોંચી હતી.
ડમ્પરચાલક સામે ગુનો નોંધ્યો અકસ્માતની ઘટના સીસીટીવી કેમેરામાં પણ કેદ થઈ છે. બનાવની જાણ થતા બી ડિવિઝન ટ્રાફિક પોલીસ ઘટનાસ્થળે પહોંચી હતી.પોલીસે ડમ્પરચાલક સામે ગુનો નોંધીને વધુ તપાસ શરૂ કરી છે.અકસ્માતમાં મૃત્યુ પામનાર ગાયત્રીબેન ઘરકામ કરે છે તેમને 12 વર્ષની અને 23 વર્ષની બે દીકરીઓ છે.અકસ્માતમાં દીકરીઓએ તેમની માતા ગુમાવ્યા છે.અકસ્માતમાં મનોજભાઇને ઇજા થતા સારવાર માટે સોલા સિવિલમાં ખસેડવામાં આવ્યા છે.
