ઉદ્ધવ-રાજ Vs ભાજપ, RSS ગઢ નાગપુરમાં ભાજપ હીરો, શિવસેના ઝીરો:BMCમાં ભાજપ+ 28 બેઠકો પર આગળ, શિવસેના ઉદ્ધવ+ 15 બેઠકો પર આગળ; નાગપુરમાં ભાજપ+ 57 બેઠકો પર આગળ
મહારાષ્ટ્રની 29 નગર નિગમમાં થયેલી ચૂંટણી માટે શુક્રવારે સવારે 10 વાગ્યાથી મતગણતરી શરૂ થઈ ગઈ છે. 893 વોર્ડમાં કુલ 15,931 ઉમેદવારો મેદાનમાં છે.
તમામ નિગમોમાં સૌથી મહત્વપૂર્ણ બૃહદમુંબઈ મહાનગરપાલિકા (BMC) છે. પ્રારંભિક વલણોમાં અહીં ભાજપ ગઠબંધન આગળ છે. નાગપુર, પુણે, નાસિક, થાણેમાં પણ ભાજપ ગઠબંધનને લીડ છે.
મહારાષ્ટ્રની 5 મુખ્ય નગર નિગમની ચૂંટણીના વલણ
મુંબઈ: કુલ બેઠકો- 227, બહુમતી: 114
| BJP+ | ઉદ્ધવ શિવસેના+ | કોંગ્રેસ | NCP (અજીત) |
| 28 | 15 | 02 | 00 |
પુણે: કુલ બેઠકો- 165, બહુમતી: 83
| BJP+ | NCP+ | કોંગ્રેસ+ UBT | શિવસેના | અન્ય |
| 44 | 13 | 02 | 00 | 00 |
થાણે: કુલ બેઠકો- 131, બહુમતી:66
| BJP+ | NCP (અજિત) | ઉદ્ધવ શિવસેના+ | કોંગ્રેસ | અન્ય |
| 26 | 04 | 06 | 02 | 01 |
નાગપુર: કુલ બેઠકો- 151, બહુમતી: 76
| BJP+ | કોંગ્રેસ | ઉદ્ધવ શિવસેના+ | NCP (અજિત) | NCP (શરદ) | અન્ય |
| 57 | 16 | 00 | 00 | 00 | 00 |
નાસિક: કુલ બેઠકો- 122, બહુમતી: 62
| BJP | MVA+MAS | શિવસેના- શિંદે+ NCP | અન્ય |
| 8 | 5 | 8 | 2 |
BMC ચૂંટણી માત્ર નગરપાલિકાની જ નહીં, પરંતુ મુંબઈની સત્તા મેળવવાની લડાઈ છે. તેથી આ મહાયુતિ અને મહાવિકાસ અઘાડી માટે પ્રતિષ્ઠાનો પ્રશ્ન છે.
74,000 કરોડ રૂપિયાના બજેટવાળી એશિયાની સૌથી મોટી સિવિક બોડી BMC પર અવિભાજિત શિવસેનાએ (1997-2017) સુધી રાજ કર્યું હતું. ત્યારે BJP તેની સહયોગી હતી.
મુંબઈ નગરપાલિકાનું બજેટ ગોવા, અરુણાચલ પ્રદેશ, મણિપુર, મેઘાલય, મિઝોરમ, નાગાલેન્ડ, સિક્કિમ અને ત્રિપુરાના બજેટ કરતાં પણ મોટું છે.
આ જ કારણ છે કે ભાજપ, ઉદ્ધવ ઠાકરેની શિવસેના, એકનાથ શિંદેની શિવસેના, કોંગ્રેસ, શરદ પવાર અને અજિત પવાર પોતાની પકડ મજબૂત કરવાનો પ્રયાસ કરી રહ્યા છે.
મુંબઈ: BMC પરિણામો માટે 23 મતગણતરી કેન્દ્રો
બૃહન્મુંબઈ મ્યુનિસિપલ કોર્પોરેશન (BMC) ખાતે મતગણતરી ચાલી રહી છે
મતગણતરી કેન્દ્રો: 23
કુલ વોર્ડ: 227
રિટર્નિંગ ઓફિસર: 23
કુલ તહેનાત સ્ટાફ: 2299
સુપરવાઇઝર: 759
સહાયકો: 770
વર્ગ 4 કર્મચારીઓ: 770
