સેન્સેક્સ 550 પોઈન્ટ ઘટીને 81,700 પર ટ્રેડ થઈ રહ્યો છે:નિફ્ટી પણ 180 પોઈન્ટ ગગડ્યો
આજે અઠવાડિયાના છેલ્લા ટ્રેડિંગ દિવસે, એટલે કે શુક્રવાર, 18 જુલાઈના રોજ, સેન્સેક્સ 550 પોઈન્ટ ઘટીને 81,700 પર ટ્રેડ કરી રહ્યો છે. નિફ્ટી લગભગ 180 પોઈન્ટ ઘટીને 24,930ના સ્તરે છે.
સેન્સેક્સના 30 શેરોમાંથી 21 શેરમાં ઘટાડો અને 9 શેરમાં તેજી છે. એક્સિસ બેંકના શેરમાં 4% ઘટાડો થયો છે. આ ઉપરાંત, એરટેલ અને કોટક બેંકના શેરમાં પણ 2% થી વધુ ઘટાડો થયો છે. M&M, L&T અને ટાટા સ્ટીલના શેરમાં 1%થી વધુની તેજી છે.
નિફ્ટીના 50 શેરોમાંથી 22 શેરોમાં ઘટાડો થયો છે, જ્યારે 28 શેરોમાં તેજી જોવા મળી છે. નિફ્ટી પ્રાઇવેટ બેંકિંગ ઇન્ડેક્સમાં સૌથી વધુ 1% ઘટાડો થયો છે. મીડિયા, આઇટી, મેટલ, ઓટો અને રિયલ્ટી શેરોમાં વધુ ખરીદી જોવા મળી રહી છે, એટલે કે તેજી છે.
એશિયન બજારોમાં ઘટાડો, અમેરિકામાં વધારો
- એશિયન બજારોમાં, જાપાનનો નિક્કેઈ 0.31% ઘટીને 39,778 પર અને કોરિયાનો કોસ્પી 0.46% ઘટીને 3,177 પર ટ્રેડ કરી રહ્યો છે.
- હોંગકોંગનો હેંગ સેંગ ઇન્ડેક્સ 0.60% ઘટીને 24,645 પર અને ચીનનો શાંઘાઈ કમ્પોઝિટ 0.34% વધીને 3,528 પર કારોબાર કરી રહ્યો છે.
- 17 જુલાઈના રોજ, અમેરિકાનો ડાઉ જોન્સ 0.52% વધીને 44,484 પર બંધ થયો. આ દરમિયાન, નેસ્ડેક કમ્પોઝિટ 0.75% વધીને 20,886 પર અને S&P 500 0.54% વધીને 6,297 પર બંધ થયો.
17 જુલાઈના રોજ વિદેશી રોકાણકારોએ 3,694 કરોડ રૂપિયાના શેર વેચ્યા હતા
- 17 જુલાઈના રોજ, વિદેશી રોકાણકારો (FII) એ રોકડ સેગમેન્ટમાં રૂ. 3,694.31 કરોડના શેર વેચ્યા હતા. તેમજ, સ્થાનિક રોકાણકારો (DII) એ રૂ. 2,820.77કરોડની નેટ ખરીદી કરી હતી.
- જુલાઈ મહિનામાં અત્યાર સુધીમાં, વિદેશી રોકાણકારોએ 17,330.49 કરોડ રૂપિયાના શેર વેચ્યા છે. આ દરમિયાન, સ્થાનિક રોકાણકારોએ 19,790.01 કરોડ રૂપિયાની નેટ ખરીદી કરી છે.
- જૂન મહિનામાં, વિદેશી રોકાણકારો દ્વારા નેટ ખરીદી રૂ. 7,488.98 કરોડની રહી હતી. તેમજ, સ્થાનિક રોકાણકારોએ પણ મહિનામાં ₹72,673.91 કરોડની નેટ ખરીદી કરી હતી.
ગઈકાલે બજાર 375 પોઈન્ટ ઘટ્યું હતું
ગુરુવારે (17 જુલાઈ), અઠવાડિયાના ચોથા કારોબારી દિવસે, સેન્સેક્સ 375 પોઈન્ટ ઘટીને 82,259 પર બંધ થયો. નિફ્ટી પણ 101 પોઈન્ટ ઘટીને 25,111 પર બંધ થયો.
સેન્સેક્સના 30 શેરોમાંથી 22 શેરોમાં ઘટાડો થયો હતો. ટેક મહિન્દ્રા, ઇન્ફોસિસ અને એચસીએલ ટેકના શેર 2.70% ઘટીને બંધ થયા હતા. જ્યારે ટાટા સ્ટીલ, ટ્રેન્ટ અને ટાટા મોટર્સના શેર 1.70% વધ્યા હતા.
નિફ્ટીના 50 શેરોમાંથી 31 શેરો ઘટીને બંધ થયા. NSEના IT ઇન્ડેક્સમાં સૌથી વધુ 1.39%નો ઘટાડો થયો, મીડિયા અને બેંકિંગ શેરોમાં પણ ઘટાડો થયો. રિયલ્ટી, મેટલ અને ફાર્મા શેરો વધીને બંધ થયા હતા.
