મૃણાલ ઠાકુરે અલ્લુ અર્જુનને બુકે મોકલ્યો!:'પુષ્પા 2' માટે એવોર્ડ મળવા પર અભિનંદન પાઠવ્યા; એક્ટરે કહ્યું- ક્યારેક સાથે કામ કરીશું
70મા ફિલ્મફેર સાઉથ એવોર્ડ્સમાં એક્ટર અલ્લુ અર્જુનને ફિલ્મ ‘પુષ્પા 2’ માટે બેસ્ટ એક્ટરનો એવોર્ડ મળ્યો.
એક્ટ્રેસ મૃણાલ ઠાકુરે અલ્લુ અર્જુનને ફૂલોનો બુકે મોકલ્યો અને એક નોટ પણ લખી. તેણે લખ્યું, “સર, ફિલ્મફેર ખાતે બેસ્ટ એક્ટર એવોર્ડ જીતવા બદલ હૃદયપૂર્વક અભિનંદન. આ સન્માન તમારા માટે સંપૂર્ણપણે યોગ્ય છે. તમારી મહેનત, ઊંડાણ અને દરેક પર્ફોર્મન્સમાં દેખાતી ઊર્જા પ્રેરણા આપે છે.”
અલ્લુ અર્જુને આ બુકેની તસવીર ઇન્સ્ટાગ્રામ સ્ટોરી પર શેર કરી. તેણે જવાબમાં લખ્યું, “ખૂબ ખૂબ આભાર મૃણાલ. તમારો મેસેજ ખૂબ જ સુંદર છે. આશા છે કે કોઈ દિવસ તમારી સાથે કામ કરવાની તક મળશે.”
આ પહેલા તેણે સોશિયલ મીડિયા પર એવોર્ડ સેરેમનીની ઝલક પણ શેર કરી હતી. તેણે લખ્યું, “આ સન્માન માટે ફિલ્મફેરનો આભાર. આ મારા માટે ખાસ છે. હું આ એવોર્ડ મારા ચાહકોને સમર્પિત કરું છું, જેમનો પ્રેમ હંમેશા મારી સાથે છે.”
ફિલ્મફેર એવોર્ડ્સમાં ‘પુષ્પા 2’ એ ઘણા એવોર્ડ જીત્યા
ફિલ્મફેર એવોર્ડ્સ સાઉથ 2026માં ‘પુષ્પા 2’ એ 5 એવોર્ડ જીત્યા હતા. સુકુમારને બેસ્ટ ડિરેક્ટરનો એવોર્ડ મળ્યો. નવીન યરનેની અને વાય રવિ શંકરને બેસ્ટ ફિલ્મનું સન્માન મળ્યું. દેવી શ્રી પ્રસાદને બેસ્ટ મ્યુઝિક ડિરેક્ટર અને રામકૃષ્ણ અને મોનિકાને બેસ્ટ પ્રોડક્શન ડિઝાઇનનો એવોર્ડ મળ્યો.
આ ફિલ્મ 2024માં રિલીઝ થઈ હતી અને બોક્સ ઓફિસ પર સુપરહિટ રહી હતી. આ 2021ની ફિલ્મ ‘પુષ્પા: ધ રાઇઝ’ની સિક્વલ છે. ફિલ્મમાં અલ્લુ અર્જુન સાથે રશ્મિકા મંદાના, ફહાદ ફાસિલ, જગપતિ બાબુ, સુનીલ અને રાવ રમેશ જોવા મળ્યા હતા.
Image Gallery
