Holika Dahan 2026: હોલિકા દહન કોણે ના જોવું જોઈએ અને કેમ? જાણો આ પાછળની માન્યતા/
આજે હોળીનો શુભ દિવસ છે ત્યારે આજે સાંજે હોલિકા દહન કરવામા આવશે. હોલિકા દહન ફક્ત એક ધાર્મિક વિધિ નથી પરંતુ શ્રદ્ધા અને પરંપરાનું પ્રતીક છે. ફાગણ પૂર્ણિમાની રાત્રે, લોકો અનિષ્ટ પર સારાના વિજયની ઉજવણી કરવા માટે લાકડા બાળે છે.
2026 માં, હોલિકા દહન 2 માર્ચે ઉજવવામાં આવશે. આ દિવસે, લોકો હોલિકા અગ્નિની આસપાસ ભેગા થાય છે, પૂજા કરે છે અને તેની પરિક્રમા કરે છે. લોક માન્યતાઓ અનુસાર, હોલિકા દહન બધા નથી જોઈ શકતા. કેટલાક લોકો માટે, હોલિકા જોવાથી માત્ર શરીર, મન અને સંપત્તિનું નુકસાન જ થતું નથી, પરંતુ સંબંધોનું પણ નુકસાન થાય છે. ચાલો જાણીએ કે કોણે હોલિકા દહન ન જોવી જોઈએ
નવી પરણેલી સ્ત્રી: માન્યતા મુજબ લગ્ન પછીની પહેલી હોળી પર નવ વિવાહિત કન્યાને તેના માતાપિતાના ઘરે મોકલવાનો રિવાજ છે. હોલિકા અને પ્રહલાદની પૌરાણિક વાર્તા આ માન્યતા સાથે જોડાયેલી છે. પહેલી હોળી નવી પરણેલી મહિલાએ તેના સાસરિયાને બદલે પીયરમાં કરવાની માન્યતા છે તેની પાછળનું કારણ કે હોલિકા દહનને એક પ્રકારનું મૃત્યું સંસ્કાર માનવામાં આવે છે. માન્યતા મુજબ હોલિકાનું જ્યારે આગમાં દહન થયું તે જ દિવસે તે લગ્નના બંધનમાં બંધાવાની હતી, જો કે તે પહેલા જ તે આગમાં ભષ્મિભૂત થઈ ગઈ હતી.
ગર્ભવતી સ્ત્રીઓ: આ પરંપરા સાથે સ્વાસ્થ્ય સંબંધી બાબતો સંકળાયેલી છે. ડોકટરોના મતે, તીવ્ર અગ્નિમાંથી નીકળતી ગરમી અને ધુમાડો ગર્ભવતી સ્ત્રીઓ માટે અસ્વસ્થતા પેદા કરી શકે છે. સ્ત્રીરોગચિકિત્સકો સલાહ આપે છે કે ભીડ, ધુમાડો અને અતિશય ગરમીથી દૂર રહેવું વધુ સુરક્ષિત છે. જો તમારે ભાગ લેવો જ પડે, તો સુરક્ષિત અંતર જાળવો અને લાંબા સમય સુધી ત્યાં રહેવાનું ટાળો.
સાસુ અને પુત્રવધૂ: લોક માન્યતા માને છે કે સાસુ અને પુત્રવધૂએ એકસાથે હોલિકા દહન ન જોવું જોઈએ, કારણ કે તેનાથી તેમના સંબંધોમાં તણાવ વધી શકે છે. એવું માનવામાં આવે છે કે સાસુ અને પુત્રવધૂ બન્ને એ સાથે પૂજા કરવા કે જોવા ના જવું જોઈએ. આ પાછળ પણ માન્યતા છે કે હોલિકા જ્યારે આગમાં સળગી રહી હતી ત્યારે તેના લગ્નની જાન ત્યાં આવી પહોંચે છે અને તેની સાસુ આ દ્રશ્ય જોવે છે અને ત્યાં ને ત્યાં મૃત્યુ પામે છે. આથી એ જ દિવસે સાસુ અને વહુ બન્નેનું મૃત્યું થયું હતુ આથી આ પરંપરા બનાવવામાં આવી કે સાસુ-વહુએ સાથે હોલિકા દહન ના જોવું જોઈએ.
નવજાત શિશુઓ: નવજાત શિશુઓમાં રોગપ્રતિકારક શક્તિ નબળી હોય છે. ધુમાડો અને ભીડ તેમના જોખમમાં વધારો કરી શકે છે. બાળરોગ ચિકિત્સકો નાના બાળકોને ધુમાડા અને મોટા અવાજવાળી ઘટનાઓથી દૂર રાખવાની ભલામણ કરે છે. આ પરંપરા કરતાં આરોગ્ય સુરક્ષાનો વધુ પ્રશ્ન છે.
Image Gallery
