કચ્છના ભુજના આકાશમાં દેખાઈ રહસ્યમય રોશની, લોકોમાં ભારે કૂતુહલ
મળતી માહિતી મુજબ ભુજના આકાશમાં થોડા સમય માટે અજાણી લાઈટો દેખાઈ હતી. આ લાઈટો થોડા સમય સુધી આકાશમાં નજરે પડી અને ત્યારબાદ અચાનક ગાયબ થઈ ગઈ હતી. જેના કારણે લોકોમાં આ લાઈટો શું હતી તે અંગે અનેક પ્રશ્નો ઉભા થયા છે.
ઘટનાના કેટલાક વીડિયો સ્થાનિક લોકોએ પોતાના મોબાઇલમાં કેદ કરી સોશિયલ મીડિયા પર શેર કર્યા હતા. આ વીડિયો ઝડપથી વાયરલ થતા આકાશમાં દેખાયેલી આ લાઈટોને લઈને વધુ ચર્ચાઓ શરૂ થઈ ગઈ હતી.
હાલ આ લાઈટો ખગોળીય ઘટના હતી કે પછી કોઈ અન્ય ટેક્નોલોજી અથવા ઉડતી વસ્તુ હતી તેને લઈને લોકો વચ્ચે તર્ક વિતર્ક ચાલી રહ્યો છે. જોકે આ ઘટના અંગે કોઈ સત્તાવાર પુષ્ટિ સામે આવી નથી.
Image Gallery
