ઈરાનના સુપ્રીમ લીડર મોજતબા ખામેનેઈની જાણકારી આપનારને અમેરિકા આપશે 10 કરોડ ડૉલરનું ઈનામ, ટ્રમ્પની નવી ચાલ
અમેરિકી વિદેશ વિભાગે આ અપીલ રિવોર્ડ્સ ફોર જસ્ટિસ કાર્યક્રમ અંતર્ગત કરી છે. વિદેશ વિભાગે સોશિયલ મીડિયા પ્લેટફોર્મ X પર એક પોસ્ટર શેર કર્યુ છે. જેમા લોકોને મોજતબા સહિત ઈરાનના 10 પ્રમુખ વ્યક્તિઓ વિસે જાણકારી આપવાની અપીલ કરવામાં આવી છે. આ લોકોને અમેરિકાએ ઈરાની આતંકવાદી ગણાવ્યા છે. આ લિસ્ટમાં ઈરાનના સર્વોચ્ચ નેતા મરહુમ આયાતોલા અલી ખામેનેઈના પુત્ર મોજતબા સહિત ઈરાનના મોટા નેતાઓના નામ સામેલ છે.
પોસ્ટરમાં જણાવાયું છે કે, આ સંદર્ભમાં આપવામાં આવેલી માહિતીના આધારે, ઈનામની રકમ $10 મિલિયન સુધી હોઈ શકે છે. વધુમાં, તે નોંધે છે કે જો જરૂર પડે તો વિશ્વસનીય માહિતી પૂરી પાડનારા વ્યક્તિઓને બીજા દેશમાં પુનર્વસનની સુવિધા પણ ઓફર કરવામાં આવી શકે છે.
યુ.એસ. ડિપાર્ટમેન્ટ ઓફ સ્ટેટ દ્વારા જારી કરાયેલા બેનરમાં આ વ્યક્તિઓને ઈરાનના ઇસ્લામિક રિવોલ્યુશનરી ગાર્ડ કોર્પ્સ (IRGC) ની વિવિધ શાખાઓના નેતાઓ તરીકે ઓળખવામાં આવે છે – જે વિશ્વભરમાં આતંકવાદી ગતિવિધિઓની યોજના બનાવે છે, તેમને સંગઠિત કરે છે અને અંજામ આપે છે.
આ અપીલમાં અમેરિકાએ જે ઈરાની અધિકારીઓ વિશે માહિતી માંગી છે તેમાં ઈરાનના ગુપ્તચર મંત્રી ઇસ્માઇલ ખાતીબ, ડેપ્યુટી ચીફ ઓફ સ્ટાફ અલી અસગર હેયાઝી, મેજર જનરલ યાહ્યા રહીમ સફવી, ગૃહમંત્રી બ્રિગેડિયર જનરલ એસ્કંદર મોમેની અને સુપ્રીમ નેશનલ સિક્યુરિટી કાઉન્સિલના સચિવ અલી લારીજાનીનો સમાવેશ થાય છે.
યુએસ ડિપાર્ટમેન્ટ ઓફ સ્ટેટે જણાવ્યું છે કે આ ઈરાની અધિકારીઓ – અથવા IRGC માં અન્ય વરિષ્ઠ કમાન્ડરો વિશે માહિતી ધરાવતા વ્યક્તિઓ “રિવોર્ડ્સ ફોર જસ્ટિસ” પ્રોગ્રામના એન્ક્રિપ્ટેડ મેસેજિંગ પ્લેટફોર્મ દ્વારા અથવા ટોર નેટવર્ક દ્વારા સુલભ સુરક્ષિત ચેનલ દ્વારા સંપર્ક સ્થાપિત કરી શકે છે.
નોંધનીય છે કે આ પગલું એવા સમયે લેવામાં આવ્યું છે જ્યારે યુનાઇટેડ સ્ટેટ્સ અને ઈરાન વચ્ચે તણાવ વધી રહ્યો છે. યુએસ અધિકારીઓ હાલમાં IRGC સાથે જોડાયેલા ઈરાની સુરક્ષા અને ગુપ્તચર નેટવર્ક પર દબાણ વધારી રહ્યા છે.
Image Gallery
