ભાવનગર SDMના નામે ડ્રાઈવરે લીધા 10 લાખ ! CCTV-ઓડિયો સામે આવતા ડ્રાઈવર સામે પગલા ભરવા DSP ને કરાઈ અરજી
જે CCTV વાયરલ થયા છે તેમાં કહેવાય છે કે, ભાવનગરના SDM ના ડ્રાઇવર દ્વારા, રુપિયા સ્વીકારવામાં આવી રહ્યાં છે. આ રૂપિયા ભાવનગરના ક્રેસન્ટ વિસ્તારમાં આવેલ હિન્દુની માલિકીની મિલકત મુસ્લિમને વેચવા માટે અશાંતધારાની કોઈ જોગવાઈને કારણે અટકે નહીં તે માટે લેવડ-દેવડ થઈ હતી. હિન્દુ માલિકીનું કોમર્શિયલ કોમ્પ્લેક્ષ વિધર્મીને વેંચવા માટે જરૂરી મંજૂરી મેળવી આપવા માટે SDM ના ડ્રાઇવર મોમીને રૂપિયા 14 લાખની માંગણી કરી હતી. અશાંતધારા મામલે SDM ના ડ્રાઇવર મોમીન નામના શખ્સે 10 લાખની લાંચ લીધી હોવાના આરોપો લાગતા ચર્ચાનો બન્યો માહોલ.
આ અંગે ભાવનગરના એસડીએમ પ્રતિભા દહિયાએ જણાવ્યું કે જે, આ અશાંતધારાનો આપેલો અભિપ્રાય છે તે અમે 27 કે 29 જાન્યુઆરીના રોજ નામંજૂર કર્યો છે. જે ડ્રાઇવરે મારા નામે રૂપિયા લીધા છે એનો તો મને સ્હેજે પણ ખ્યાલ નથી. ગઈકાલ મને આ સમગ્ર મામલાની જાણ થતા જ અમે ડ્રાઇવરને તાત્કાલીક અસરથી છૂટો કરી નાખ્યો છે. ડ્રાઇવર વિરુદ્ધ કાયદેસર કાર્યવાહી કરવા અમે જિલ્લા પોલીસ વડાને અરજી પણ કરી હોવાનું ભાવનગરના એસડીએમએ જણાવ્યું હતું.
Image Gallery
