સેન્સેક્સ 300 પોઈન્ટ ઘટીને 73,950 પર ટ્રેડ થઈ રહ્યો છે:નિફ્ટીમાં પણ 100 પોઈન્ટનો ઘટાડો, ફાર્મા અને બેન્કિંગ શેરોમાં વધુ વેચવાલી
શેરબજારમાં આજે એટલે કે 2 જૂને ઘટાડો જોવા મળ્યો છે. સેન્સેક્સ 300 પોઈન્ટના ઘટાડા સાથે 73,950ના સ્તરે કારોબાર કરી રહ્યો છે. નિફ્ટીમાં પણ લગભગ 100 પોઈન્ટનો ઘટાડો છે, તે 23,300ના સ્તરે કારોબાર કરી રહ્યો છે. આજે ફાર્મા, હેલ્થ કેર અને બેન્કિંગ શેરોમાં વધુ ઘટાડો જોવા મળ્યો છે. જ્યારે IT શેરોમાં સૌથી વધુ ખરીદી જોવા મળી છે.
ભારતીય શેરબજારને સાઉથ કોરિયાએ પાછળ ધકેલ્યું
સાઉથ કોરિયાનું શેરબજાર ભારતને પછાડીને વિશ્વનું છઠ્ઠું સૌથી મોટું બજાર બની ગયું છે. આ તેજીનું મુખ્ય કારણ ચિપ બનાવતી દિગ્ગજ કંપનીઓ છે, જે વિશ્વભરમાં આર્ટિફિશિયલ ઇન્ટેલિજન્સ (AI)ના વધતા ઉપયોગના જોરે સતત રેકોર્ડ બનાવી રહી છે.
બ્લૂમબર્ગના આંકડા મુજબ, આ વર્ષે સાઉથ કોરિયાની લિસ્ટેડ કંપનીઓની કુલ માર્કેટ કેપ 86% વધીને 5 ટ્રિલિયન ડોલર (લગભગ 475 લાખ કરોડ રૂપિયા) પર પહોંચી ગઈ છે. બીજી તરફ, ભારતીય શેરબજારની માર્કેટ કેપ ઘટીને 4.8 ટ્રિલિયન ડોલર (લગભગ 456 લાખ કરોડ રૂપિયા) રહી ગઈ છે.
આજે એશિયન બજારમાં મિશ્ર કારોબાર
| ઇન્ડેક્સ | લેવલ | પોઇન્ટ ફેરફાર | ટકાવારી ફેરફાર |
| કોસ્પી (સાઉથ કોરિયા) | 8634 | -154 | -1.45% |
| નિક્કેઈ (જાપાન) | 65833 | -1101 | -1.64% |
| હેંગસેંગ (હોંગકોંગ) | 25641 | +242 | +0.97% |
ગઈકાલે અમેરિકી બજારમાં તેજી રહી
| ઇન્ડેક્સ | લેવલ | પોઇન્ટ ફેરફાર | ટકાવારી ફેરફાર |
| ડાઉ જોન્સ | 51079 | +46 | +0.09% |
| નૈસ્ડેક | 27087 | +114 | +0.42% |
| S&P 500 | 7600 | +20 | +0.26% |
30 દિવસમાં વિદેશી રોકાણકારોએ 60 હજાર કરોડના શેર વેચ્યા
| કેટેગરી | લેટેસ્ટ | છેલ્લા 7 દિવસ | છેલ્લા 30 દિવસ |
| DII | +5,109 | +25,694 | +87,778 |
| FII/FPI | -3,912 | -26,060 | -59,875 |
નોંધ: FIIs અને DIIs ના ચોખ્ખા ખરીદ/વેચાણના આંકડા કરોડ રૂપિયામાં છે.
ગઈકાલે બજારમાં ઘટાડો રહ્યો હતો
આ પહેલા ગઈકાલે એટલે કે 1 જૂને શેરબજારમાં ઘટાડો જોવા મળ્યો હતો. સેન્સેક્સ 508 પોઈન્ટ ઘટીને 74,267 પર બંધ થયો હતો. નિફ્ટીમાં પણ 165 પોઈન્ટનો ઘટાડો રહ્યો, તે 23,382 ના સ્તરે બંધ થયો હતો.
