સેન્સેક્સ 700 પોઈન્ટ વધીને 74,550 પર ટ્રેડિંગ:નિફ્ટી 200 પોઈન્ટ ઉપર 23,350 પર પહોંચ્યો; મેટલ અને બેન્કિંગ શેરોમાં ખરીદી
આજ એટલે કે શુક્રવાર, 12 જૂનના રોજ સેન્સેક્સ 700 પોઈન્ટના ઉછાળા સાથે 74,550 પર કારોબાર કરી રહ્યો છે. નિફ્ટીમાં પણ 200 પોઈન્ટનો ઉછાળો છે, તે 23,350 પર પહોંચી ગયો.
આજના કારોબારમાં રિયલ્ટી, મેટલ અને બેંક શેરોમાં સૌથી વધુ ખરીદી જોવા મળી રહી છે. જ્યારે સવારે સેન્સેક્સ 1000 પોઈન્ટ અને નિફ્ટી 300 પોઈન્ટના ઉછાળા સાથે ખુલ્યા હતા.
ઈરાન-અમેરિકાની ડીલના સમાચારોથી માર્કેટમાં તેજી
અમેરિકી રાષ્ટ્રપતિ ડોનાલ્ડ ટ્રમ્પે દાવો કર્યો છે કે ઈરાનના સુપ્રીમ લીડર મોજતબા ખામેનીએ એક નવી ડીલને મંજૂરી આપી દીધી છે, જે અંતર્ગત ઈરાન ક્યારેય પરમાણુ હથિયાર નહીં રાખે અને ડીલ થતા જ હોર્મુઝ સ્ટ્રેટને ખોલી દેવામાં આવશે. જોકે ઈરાને હજુ સુધી તેની સત્તાવાર પુષ્ટિ કરી નથી. આ જ નિવેદનને કારણે શેરબજારમાં તેજી જોવા મળી છે.
એશિયન બજારોમાં તેજી, સાઉથ કોરિયાનું બજાર 8% વધ્યું
| ઇન્ડેક્સ | લેવલ | પોઇન્ટ ચેન્જ | પર્સેન્ટ ચેન્જ |
| કોસ્પી (સાઉથ કોરિયા) | 8393 | 629 | 8.04% |
| નિકેઈ (જાપાન) | 66443 | 2226 | 3.47% |
| હેંગસેંગ (હોંગકોંગ) | 24720 | 471 | 1.92% |
અમેરિકી બજારોમાં ગઈકાલે તેજી રહી
| ઇન્ડેક્સ | લેવલ | પોઇન્ટ ચેન્જ | ટકાવારી ચેન્જ |
| ડાઉ જોન્સ | 50849 | 930 | 1.86% |
| નૅસ્ડૅક | 25810 | 640 | 2.54% |
| S&P 500 | 7394 | 127 | 1.75% |
વિદેશી રોકાણકારોએ ગઈકાલે 1987 કરોડના શેર વેચ્યા
| કેટેગરી | તાજેતરના | છેલ્લા 7 દિવસ | છેલ્લા 30 દિવસ |
| DII | 4,225 | 18,673 | 94,083 |
| FII/FPI | -1,987 | -14,234 | -75,139 |
સેન્સેક્સ દિવસના ઉચ્ચ સ્તરથી 562 પોઈન્ટ ઘટીને 73,833 પર બંધ થયો હતો
શેરબજારમાં ગઈકાલે એટલે કે 11 જૂને મિશ્ર કારોબાર જોવા મળ્યો હતો. સેન્સેક્સ દિવસના ઉચ્ચ સ્તરથી 562 પોઈન્ટ ઘટીને 73,833 ના સ્તરે બંધ થયો. જ્યારે નિફ્ટી 23,162 ના સ્તરે આવી ગયો છે. ગઈકાલના કારોબારમાં IT અને બેન્કિંગ શેરોમાં સૌથી વધુ વેચવાલી જોવા મળી હતી.
સેન્સેક્સ સવારે ઘટાડા સાથે ખુલ્યો હતો. પરંતુ કારોબાર દરમિયાન તે લગભગ 400 પોઈન્ટ વધીને 74,394 ના દિવસના ઉચ્ચ સ્તરે પહોંચી ગયો હતો. જોકે, 1 વાગ્યા પછી બજારમાં તીવ્ર વેચવાલી આવી અને સેન્સેક્સ 150 પોઈન્ટ ઘટીને 73,833 ના સ્તરે બંધ થયો. નિફ્ટીમાં 53 પોઈન્ટનો ઘટાડો જોવા મળ્યો.
