સેન્સેક્સ 828 પોઈન્ટ વધીને 77,569 પર બંધ:નિફ્ટીમાં 244 પોઈન્ટનો ઉછાળો રહ્યો; બેંક અને રિયલ્ટી શેરોમાં સૌથી વધુ ખરીદી
આજ એટલે કે શુક્રવાર, 10 જુલાઈના રોજ સેન્સેક્સ 828 પોઈન્ટ (1.08%)ના ઉછાળા સાથે 77,569 પર બંધ થયો. નિફ્ટીમાં પણ 244 પોઈન્ટ (1.02%)નો ઉછાળો રહ્યો, તે 24,206 પર પહોંચી ગયો. આજના કારોબારમાં બેંક અને રિયલ્ટી શેરોમાં સૌથી વધુ ખરીદી જોવા મળી.
TCSના પરિણામો પછી શેર 0.90% વધ્યો
2026-2027ના પ્રથમ ક્વાર્ટરના પરિણામો પછી ટીસીએસના શેરમાં આજે 0.90%નો ઉછાળો જોવા મળ્યો. તે 2,068 રૂપિયા પર બંધ થયો. છેલ્લા 6 મહિનામાં ટીસીએસનો શેર લગભગ 30 ટકા ઘટ્યો છે. જ્યારે એક વર્ષમાં તે 40% તૂટ્યો છે.
ટીસીએસનો નેટ પ્રોફિટ એક વર્ષ પહેલાના સમાન ક્વાર્ટરના 12,760 કરોડ રૂપિયાની સરખામણીમાં 5% વધીને 13,349 કરોડ રૂપિયા રહ્યો છે. આ સમયગાળા દરમિયાન ઓપરેશન્સમાંથી મળતી આવક પણ વાર્ષિક ધોરણે 14% વધીને 72,275 કરોડ રૂપિયા પર પહોંચી ગઈ છે.
કંપનીના બોર્ડે નાણાકીય વર્ષ 2026-27 માટે શેર દીઠ 12 રૂપિયાના વચગાળાના ડિવિડન્ડને મંજૂરી આપી છે અને તેના માટે 15 જુલાઈને રેકોર્ડ ડેટ તરીકે નક્કી કરી છે.
એશિયન બજારોમાં પણ તેજી જોવા મળી
| ઇન્ડેક્સ | લેવલ | પોઇન્ટ ચેન્જ | ટકાવારી ચેન્જ |
| કોસ્પી (સાઉથ કોરિયા) | 7476 | 184 | 2.52% |
| નિકેઈ (જાપાન) | 68558 | 814 | 1.20% |
| હેંગસેંગ (હોંગકોંગ) | 24175 | 145 | 0.60% |
ગઈકાલે અમેરિકી બજારમાં પણ હતી
| ઇન્ડેક્સ | લેવલ | પોઇન્ટ ચેન્જ | ટકાવારી ચેન્જ |
| ડાઉ જોન્સ | 52487 | 139 | 0.27% |
| નાસ્ડેક | 26207 | 336 | 1.30% |
| S&P 500 | 7544 | 61 | 0.81% |
ગઈકાલે વિદેશી રોકાણકારોએ ₹533 કરોડના શેર વેચ્યા
| કેટેગરી | લેટેસ્ટ | છેલ્લા 7 દિવસ | છેલ્લા 30 દિવસ |
| DII | 2,058 | 6,256 | 46,664 |
| FII/FPI | -533 | 2,066 | -3,698 |
નોંધ: FIIs અને DIIs ની નેટ ખરીદી/વેચાણના આંકડા કરોડ રૂપિયામાં છે
