મોદીએ કહ્યું- 25 વર્ષ જૂનું મફલર પહેરીને ન્યુઝીલેન્ડ આવ્યો:અહીં જ મને ગિફ્ટ મળ્યું હતું, અમારા માટે દેશની વસ્તી નહીં; તેમની ભાવના મહત્વની
વડાપ્રધાન મોદીએ શનિવારે ન્યુઝીલેન્ડના ઓકલેન્ડમાં ભારતીય સમુદાયને સંબોધતા કહ્યું કે અમે ન્યુઝીલેન્ડ પાસેથી ઘણું શીખ્યા છીએ. આ એવો દેશ છે જેણે સૌથી પહેલા મહિલાઓને મતદાનનો અધિકાર આપ્યો હતો. ભારત પણ મહિલાઓ માટે સંભાવનાઓના નવા દરવાજા ખોલી રહ્યું છે.
પીએમ મોદીએ કહ્યું- ભારતના લોકો 20 વર્ષ પછી સાંભળતા આવ્યા હતા, પરંતુ આજે 40 વર્ષ પછી કોઈ ભારતીય પીએમ ન્યુઝીલેન્ડની ધરતી પર આવ્યા છે. આ મારું સૌભાગ્ય છે કે હું ન્યુઝીલેન્ડના તમામ નિવાસીઓ માટે, આપ સૌ લોકો માટે, 140 કરોડ ભારતીયોની શુભેચ્છાઓ લઈને આવ્યો છું. પીએમએ વધુમાં કહ્યું કે અમારા માટે સામેના દેશની વસ્તી નહીં, જનકલ્યાણની ભાવના મહત્વની છે. અને તેથી અમે ન્યુઝીલેન્ડ પાસેથી પણ ઘણું શીખ્યા છીએ અને હજુ પણ શીખી રહ્યા છીએ.
મોદીએ કહ્યું- ન્યુઝીલેન્ડના ખૂણેખૂણે ફેલાયેલા ભારતીયો આ યાત્રાના નાવિક
પીએમએ કહ્યું- મને આ યાત્રાની સફળતા પર પૂરો ભરોસો છે. જાણો છો કેમ... મોદી નહીં કારણ કે તેના અસલી નાવિક આપ સૌ છો. ઓકલેન્ડથી વેલિંગ્ટન સુધી, ક્રાઇસ્ટચર્ચથી ક્વીન્સટાઉન સુધી, ન્યુઝીલેન્ડના ખૂણેખૂણે ફેલાયેલો ભારતીય સમુદાય આ સહિયારી યાત્રાનો નાવિક છે. આગળ વધતા પહેલા હું મારા મિત્ર, અહીંના પીએમ, સરકારના તમામ સાથીઓ અને લેબર પાર્ટીના સભ્યોને અભિનંદન કહીશ.
25 વર્ષ પહેલા એક ન્યુઝીલેન્ડવાસીએ મને એક મફલર, ટોપી અને મોજા ભેટમાં આપ્યા હતા
ભારતીય સમુદાયના લોકોને સંબોધિત કરતા પીએમ મોદીએ ન્યુઝીલેન્ડ સાથે જોડાયેલી પોતાની જૂની યાદો શેર કરી. તેમણે કહ્યું કે વડાપ્રધાન તરીકે આ તેમની પ્રથમ યાત્રા છે, પરંતુ લગભગ 25 વર્ષ પહેલાં, જ્યારે તેઓ ન તો કોઈ સરકારનો ભાગ હતા અને ન તો જાહેર જીવનમાં તેમને લોકો જાણતા હતા, ત્યારે તેમને પ્રથમ વખત ન્યુઝીલેન્ડ આવવાનો અવસર મળ્યો હતો.
મોદીએ કહ્યું કે તે યાત્રા દરમિયાન એક ન્યુઝીલેન્ડવાસીએ તેમને એક મફલર, એક ટોપી અને એક જોડી મોજા ભેટમાં આપ્યા હતા. તેમણે કહ્યું કે આજે તેઓ તે જ ભેટોમાંથી એક મફલર પહેરીને કાર્યક્રમમાં આવ્યા છે. તેમણે વર્ષો સુધી આ મફલરનો ઉપયોગ કર્યો અને આજે પણ તેને તે જ સ્નેહથી સાચવીને રાખ્યો છે, જેમ તેઓ ન્યુઝીલેન્ડના લોકોના પ્રેમ અને આત્મીયતાને સાચવી રાખે છે.
મોદીએ કહ્યું-ભારત દુનિયાને વિકાસના નવા મોડલ આપી રહ્યું છે
પીએમએ કહ્યું- આજે ભારત દુનિયાનો બીજો સૌથી મોટો માછલી ઉત્પાદક છે. ભારત દુનિયાનું ત્રીજું સૌથી મોટું ઓટોમોબાઈલ માર્કેટ છે. સોલર એનર્જી કેપેસિટીમાં પણ ભારત દુનિયાના મોટા દેશોમાં સામેલ થઈ ચૂક્યું છે. આજનું ભારત દુનિયાને વિકાસના નવા મોડલ આપી રહ્યું છે. યુપીઆઈના માધ્યમથી દર મહિને અબજો ડિજિટલ ટ્રાન્ઝેક્શન થઈ રહ્યા છે. ડ્રોન ટેકનોલોજી અને સ્પેસ ઇકોનોમીમાં ભારત નવી ઊંચાઈઓને સ્પર્શી રહ્યું છે.
આ તે નવા ભારતની તસવીર છે જે દર્શાવે છે કે કેવી રીતે ભારત ન્યુઝીલેન્ડની જેમ ઇકોલોજી અને ઇકોનોમીમાં સંતુલન બનાવીને ચાલી રહ્યું છે. ભારતના ગ્રોથનું એક બીજું પાસું પણ છે. આ આપણો વારસો છે. ભારત જેટલું ફોકસ ઇકોલોજી અને ઇકોનોમી પર આપે છે તેટલું જ હેરિટેજ પર પણ આપે છે. આપણા મહાન શીખ ગુરુઓએ સમગ્ર માનવતાને સેવા, સાહસ અને કરુણાનો સંદેશ આપ્યો છે. દુનિયાના દરેક ખૂણે ગુરુદ્વારા સેવાના કેન્દ્રો છે.
આ પહેલા વડાપ્રધાન મોદીએ ન્યૂઝીલેન્ડના ઓકલેન્ડમાં વડાપ્રધાન ક્રિસ્ટોફર લક્સન સાથે દ્વિપક્ષીય બેઠક યોજી હતી. આ બેઠક દરમિયાન 18 મહત્વપૂર્ણ નિર્ણયો લેવામાં આવ્યા હતા અને 10 સમજૂતી (MoUs) પર હસ્તાક્ષર કરવામાં આવ્યા હતા. બંને નેતાઓએ 2030 સુધીમાં દ્વિપક્ષીય વેપારને બમણો કરીને આશરે ₹35 હજાર કરોડ સુધી પહોંચાડવાનું લક્ષ્ય નક્કી કર્યું હતું.
ભારત-ન્યુઝીલેન્ડ વચ્ચે ફ્રી ટ્રેડ એગ્રીમેન્ટ (FTA) ફાઇનલ થઈ ગયો છે. પીએમ મોદી અને ન્યુઝીલેન્ડના વડાપ્રધાન ક્રિસ્ટોફર લક્સમે કહ્યું કે FTAને જલદીથી જલદી લાગુ કરવામાં આવશે અને તેના પર બંને દેશો મળીને કામ કરશે.
ઓકલેન્ડમાં પીએમ મોદી અને વડાપ્રધાન લક્સનની હાજરીમાં બંને દેશો વચ્ચે અનેક સમજૂતી કરારો (MoU) પર હસ્તાક્ષર કરવામાં આવ્યા. પીએમ મોદીએ કહ્યું કે આ વર્ષે ભારત અને ન્યુઝીલેન્ડ વચ્ચે માત્ર 9 મહિનામાં FTA થયું. આ પોતાનામાં એક રેકોર્ડ છે.
પીએમએ કહ્યું- અમે 2030 સુધીમાં બંને દેશો વચ્ચેના વેપારને બમણો કરી દઈશું. ન્યુઝીલેન્ડ આગામી 15 વર્ષમાં ભારતમાં ₹1.72 લાખ કરોડ (20 અબજ ડોલર)નું રોકાણ કરશે. સાથે જ 'વિકસિત ભારત 2047'ના લક્ષ્યને પુરુ કરવામાં ભારતને મદદ પણ કરશે.
પીએમ મોદીએ શનિવારે ઓકલેન્ડમાં ન્યુઝીલેન્ડના વડાપ્રધાન ક્રિસ્ટોફર લક્સમ સાથે દ્વિપક્ષીય વાતચીત કરી. આ દરમિયાન તેમણે કહ્યું કે, આટલા ઓછા સમયમાં ન્યુઝીલેન્ડની આખી ટીમે મળીને FTA વાટાઘાટોને જમીન પર ઉતારવાનું કામ કર્યું છે. કદાચ દુનિયામાં પહેલીવાર આટલા ઓછા સમયમાં આટલી મોટી સિદ્ધિ મેળવવામાં આવી છે.
જ્યારે, ન્યુઝીલેન્ડના વડાપ્રધાન ક્રિસ્ટોફર લક્સમે કહ્યું કે, જ્યારે મેં ગયા વર્ષે ભારતનો પ્રવાસ કર્યો હતો, ત્યારે ભારત અને ન્યુઝીલેન્ડ વચ્ચેના આ સંબંધને મજબૂત બનાવવામાં તમે વ્યક્તિગત રીતે જે યોગદાન આપ્યું છે, તે પ્રશંસનીય છે.
Image Gallery
