બંગાળની ખાડીમાં બનેલું હવાનું‎ નીચું દબાણ, કચ્છ નજીક અરબ‎સાગરથી બંગાળની ખાડી વચ્ચે ‎સર્જાયેલી ટ્રફલાઇન અને કચ્છ‎ ઉપર બનેલું અપર એર‎સાયક્લોનિક સર્ક્યુલેશન એમ‎ એક સાથે ત્રણ સિસ્ટમ સક્રિય થઇ ‎છે. જેને લઇ છેલ્લા 13 દિવસનું ‎મોન્સૂન બ્રેક ગુરુવારથી તૂટશે અને ‎ઉત્તર ગુજરાત સહિત રાજ્યમાં ફરી ‎ચોમાસું સક્રિય થશે. આજે ઉત્તર ‎ગુજરાતના 51%થી 75%‎ વિસ્તારોમાં હળવાથી મધ્યમ‎ વરસાદની શક્યતા છે. ત્યાર બાદ ‎15થી 19 ઓગસ્ટ સુધી 76%થી ‎વધુ વિસ્તારોમાં એટલે સાર્વત્રિક ‎હળવાથી મધ્યમ વરસાદની ‎શક્યતા છે. વરસાદના આ ‎રાઉન્ડથી અત્યાર સુધી વાવણી ‎થયેલા પાકોને પિયતનું પાણી મળી‎ રહેશે. તેમજ જળાશયોમાં નવા‎ પાણીનો ઉમેરો થશે.

ઉત્તર ગુજરાતના આકાશમાં ‎બુધવારે કાળાડિબાંગ વરસાદી ‎વાદળો છવાયેલા રહ્યા હતા. સાંજે‎ 6 વાગ્યા સુધીમાં ધનસુરામાં 2‎ મિ.મી. અને તલોદમાં 1 મિ.મી. ‎વરસાદ નોંધાયો હતો. વરસાદી ‎વાતાવરણ સર્જાતાં દિવસ-રાતના ‎તાપમાનમાં સવા ડિગ્રી સુધીનો ‎ઘટાડો નોંધાયો હતો. પોણા ‎ડિગ્રીના ઘટાડા સાથે રાત્રિનું ‎તાપમાન 26 ડિગ્રીની આસપાસ ‎રહ્યું હતું. જ્યારે સવા ડિગ્રીના ‎ઘટાડા સાથે દિવસનું તાપમાન 33 ‎ડિગ્રીની આસપાસ રહ્યું હતું.‎

4 સિસ્ટમ સક્રિય થતા વરસાદી માહોલ 

અત્યારે અપર એર સાયકલોનિક સર્ક્યુલેશન, લૉ પ્રેશર સિસ્ટમ, મોન્સૂન ટ્રફ, ઇસ્ટ અને વેસ્ટ ટ્રફ એમ કુલ 4 સિસ્ટમ સક્રિય થતા વરસાદી માહોલ સર્જાશે.

દક્ષિણ અને મધ્ય ગુજરાતમાં છુટાછવાયા સ્થળોએ આગાહી 

આજે (14 ઑગસ્ટ) અરવલ્લી, મહીસાગર, દાહોદ, પંચમહાલ, વડોદરા, છોટાઉદેપુર, ભરૂચ, નર્મદા, સુરત, તાપી, નવસારી, ડાંગ, વલસાડ, દમણ અને દાદરા નગરહવેલીમાં છુટાછવાયા સ્થળોએ ભારે વરસાદને લઈને આગાહી કરવામાં આવી છે.