દિલ્હી CM રેખા ગુપ્તાને 35 વર્ષીય વ્યક્તિએ લાફો માર્યો:CMનાં નિવાસસ્થાને જાહેર સુનવણી સમયે હુમલો કર્યો
દિલ્હીના મુખ્યમંત્રી રેખા ગુપ્તા પર મુખ્યમંત્રી નિવાસસ્થાને હુમલો કરવાનો પ્રયાસ કરવામાં આવ્યો હતો. હુમલો થયો ત્યારે અહીં જાહેર સુનાવણી ચાલી રહી હતી. મીડિયા રિપોર્ટ્સ મુજબ, રેખા ગુપ્તાને થપ્પડ મારવામાં આવી છે.
દિલ્હી ભાજપે X પોસ્ટમાં કહ્યું- એક 35 વર્ષીય વ્યક્તિએ હુમલો કર્યો છે. તે જાહેર સુનાવણી માટે આવ્યો હતો. તેના હાથમાં એક કાગળ પણ હતો. પોલીસે આરોપીને કસ્ટડીમાં લીધો છે.
દિલ્હી ભાજપના પ્રવક્તા પ્રવીણ શંકર કપૂરે જણાવ્યું હતું કે- એક 35 વર્ષીય વ્યક્તિ જાહેર સુનાવણીમાં આવ્યો હતો. તેણે મુખ્યમંત્રીને કેટલાક દસ્તાવેજો આપ્યા હતા. આ પછી, થોડી બોલાચાલી થઈ હતી. તેણે હુમલો કરવાનો પ્રયાસ કર્યો હતો. આ કોઈ પાર્ટીનું કામ હોઈ શકે છે.
મુખ્યમંત્રી રેખા ગુપ્તા પર હુમલો કરવાનો પ્રયાસ
બુધવારે દિલ્હીના મુખ્યમંત્રી રેખા ગુપ્તા પર હુમલો કરવાનો પ્રયાસ કરવામાં આવ્યો હતો. આ ઘટના ત્યારે બની જ્યારે તેઓ તેમના નિવાસસ્થાને જાહેર સુનાવણી કરી રહ્યા હતા. પ્રારંભિક માહિતીમાં જાણવા મળ્યું છે કે આરોપી વ્યક્તિએ પહેલા રેખા ગુપ્તા પર પથ્થર જેવું કંઈક ફેંક્યું હતું. પરંતુ જ્યારે તે સીએમ ગુપ્તાને નુકસાન પહોંચાડી શક્યો નહીં, ત્યારે તેણે તેમને થપ્પડ મારવાનો પણ પ્રયાસ પણ કર્યો. પોલીસ હાલમાં સમગ્ર મામલાની તપાસ કરી રહી છે.
કોંગ્રેસે કહ્યું- જો CM સુરક્ષિત નથી તો સામાન્ય માણસનું તો શું
મુખ્યમંત્રી રેખા ગુપ્તા પર થયેલા હુમલા અંગે દિલ્હી કોંગ્રેસના પ્રમુખ દેવેન્દ્ર યાદવે કહ્યું- આ ઘટના દુર્ભાગ્યપૂર્ણ છે. રેખા ગુપ્તા સમગ્ર દિલ્હીના મુખ્યમંત્રી છે. આવી ઘટનાઓની જેટલી પણ નિંદા કરવામાં આવે તે પૂરતી નથી. આ ઘટનાએ મહિલાઓની સુરક્ષા વ્યવસ્થાનો પર્દાફાશ કર્યો છે. જો દિલ્હીના મુખ્યમંત્રી સુરક્ષિત નથી તો સામાન્ય માણસ તો કેવી રીતે સુરક્ષિત રહી શકે?
હાથમાં કાગળોના બંડલ સાથે આવેલ આરોપીએ જોરથી બૂમો પાડી
પોલીસના જણાવ્યા અનુસાર, શરૂઆતની તપાસમાં જાણવા મળ્યું છે કે હાથમાં કાગળોના બંડલ સાથે તે વ્યક્તિએ પહેલા જોરથી બૂમો પાડી અને પછી પથ્થર ફેંકવાનો પ્રયાસ કર્યો. આરોપી વ્યક્તિની ઉંમર આશરે 35 વર્ષ હોવાનું કહેવાય છે.
પોલીસ હાલમાં સમગ્ર મામલામાં આરોપીઓની પૂછપરછ કરી રહી છે. પોલીસ એ પણ જાણવાનો પ્રયાસ કરી રહી છે કે આરોપી ક્યાંથી આવ્યો હતો અને મુખ્યમંત્રી પર હુમલો કરવાનો પ્રયાસ કરવાનું કારણ શું હતું.
