નાણાં મંત્રાલયના અધિકારીને BMW કારે ટક્કર મારી:હોસ્પિટલમાં મોત
દિલ્હીના કેન્ટોન્મેન્ટ મેટ્રો સ્ટેશન નજીક BMW કારની ટક્કરથી નાણા મંત્રાલયના એક અધિકારીનું મોત થયું છે. આ અધિકારીની ઓળખ નાણા મંત્રાલયના આર્થિક બાબતોના વિભાગમાં નાયબ સચિવ નવજોત સિંહ તરીકે થઈ છે.
નવજોત તેની પત્ની સાથે બાઇક પર જઈ રહ્યા હતા. ત્યારે પાછળથી એક કારે તેમને ટક્કર મારી. કારમાં બેઠેલી મહિલા નવજોત અને તેની પત્નીને હોસ્પિટલ લઈ ગઈ. ત્યાં નવજોતનું મૃત્યુ થયું, તેની પત્નીની હાલત ગંભીર છે.
સૂત્રોના જણાવ્યા અનુસાર, નવજોત અને તેની પત્નીને નજીકની હોસ્પિટલમાં દાખલ કરવાને બદલે, તેમને અકસ્માત સ્થળથી લગભગ 17 કિમી દૂર જીટીબી નગરની ન્યૂલાઇફ હોસ્પિટલમાં લઈ જવામાં આવ્યા.
પોલીસે કાર અને બાઇક બંને કબજે કર્યા
પોલીસના જણાવ્યા અનુસાર, અકસ્માત બાદ BMW કાર અને મોટરસાઇકલ પણ જપ્ત કરવામાં આવી છે. FIR નોંધવામાં આવી છે અને તપાસ ચાલી રહી છે.
કાર ચલાવતી મહિલા અને તેના પતિ પણ ઘાયલ થયા છે. બંનેને હોસ્પિટલમાં દાખલ કરવામાં આવ્યા છે. પોલીસના જણાવ્યા અનુસાર, બંનેના નિવેદનો નોંધવામાં આવશે.
