સેન્સેક્સ 150 પોઈન્ટ વધીને 81,950 પર ટ્રેડ કરી રહ્યો છે:નિફ્ટીંમાં 50 પોઇન્ટનો ઉછાળો
આજે, અઠવાડિયાના બીજા ટ્રેડિંગ દિવસે, એટલે કે મંગળવાર, 16 સપ્ટેમ્બર, સેન્સેક્સ 150 પોઈન્ટ વધીને 81,950ના સ્તરે ટ્રેડ કરી રહ્યો છે. નિફ્ટી 50 પોઈન્ટ વધીને 25,120ના સ્તરે ટ્રેડ કરી રહ્યો છે.
સેન્સેક્સના 30 શેરોમાંથી 19 શેરમાં તેજી અને 11માં ઘટાડો છે. મહિન્દ્રા, બજાજ ફિનસર્વ અને અદાણી પોર્ટ્સના શેરોમાં તેજી છે. એશિયન પેઇન્ટ્સ, ટાઇટન અને સ્ટેટ બેંકના શેરોમાં ઘટાડો થયો છે.
નિફ્ટીના 50 શેરમાંથી 34 શેરમાં તેજી અને 16માં ઘટાડોછે. ઓટો, મેટલ, મીડિયા અને ફાર્મા શેરો ઉપર છે. FMCG, IT અને PSU બેંકોમાં ઘટાડો છે.
ગ્લોબલ માર્કેટમાં મિશ્ર કારોબાર
- એશિયન બજારોમાં, જાપાનનો નિક્કેઈ 0.29% વધીને 44,900 પર અને કોરિયાનો કોસ્પી 1.12% વધીને 3,446 પર ટ્રેડ કરી રહ્યો છે.
- હોંગકોંગનો હેંગ સેંગ ઇન્ડેક્સ 0.32% ઘટીને 26,363 પર અને ચીનનો શાંઘાઈ કમ્પોઝિટ 0.38% ઘટીને 3,846 પર ટ્રેડ કરી રહ્યો છે.
- 15 સપ્ટેમ્બરના રોજ, યુએસ ડાઉ જોન્સ 0.11% વધીને 45,883 પર બંધ થયો. નાસ્ડેક કમ્પોઝિટ 0.94% અને S&P 500માં 0.21%ની તેજી રહી.
15 સપ્ટેમ્બરના રોજ સ્થાનિક રોકાણકારોએ 1,933 કરોડ રૂપિયાના શેર ખરીદ્યા
- 15 સપ્ટેમ્બરના રોજ, વિદેશી રોકાણકારો (FII) એ રોકડ સેગમેન્ટમાં રૂ. 1,268.59 કરોડના શેર વેચ્યા હતા. તેમજ, સ્થાનિક રોકાણકારો (DII) એ રૂ. 1,933.33 કરોડની નેટ ખરીદી કરી હતી.
- આ મહિનામાં અત્યાર સુધીમાં, વિદેશી રોકાણકારોએ ₹10,512.86 કરોડના શેર વેચ્યા છે. આ દરમિયાન, સ્થાનિક રોકાણકારોએ ₹29,080.65 કરોડની નેટ ખરીદી કરી છે.
- ઓગસ્ટ મહિનામાં, વિદેશી રોકાણકારોએ ₹46,902.92 કરોડના શેર વેચ્યા હતા. આ દરમિયાન સ્થાનિક રોકાણકારોએ ₹94,828.55 કરોડની નેટ ખરીદી કરી હતી.
ગઈકાલે બજારમાં ઘટાડો જોવા મળ્યો હતો
અઠવાડિયાના પહેલા ટ્રેડિંગ દિવસે, સોમવાર, 15 સપ્ટેમ્બર, સેન્સેક્સ 119 પોઈન્ટ ઘટીને 81,786 પર બંધ થયો. નિફ્ટી પણ 45 પોઈન્ટ ઘટીને 25,069 પર બંધ થયો.
સેન્સેક્સના 30 શેરોમાંથી 13 શેર વધ્યા અને 17 શેરો ઘટ્યા. ઓટો, આઇટી, મીડિયા, ફાર્મા અને હેલ્થકેર શેરોમાં ઘટાડો થયો. રિયલ્ટી 2.41%, પીએસયુ બેંકો અને મેટલ્સમાં વધારો થયો.
