સેન્સેક્સ 250 પોઈન્ટ ઘટીને 83,800 પર ટ્રેડ કરી રહ્યો છે:ઓટો, આઇટી અને રિયલ્ટી શેરોમાં ઘટાડો
આજે અઠવાડિયાના પહેલા ટ્રેડિંગ દિવસે, એટલે કે સોમવાર, 30 જૂન, સેન્સેક્સ 250 પોઈન્ટ ઘટીને 83,800 પર ટ્રેડ કરી રહ્યો છે. નિફ્ટી પણ 70 પોઈન્ટ ઘટીને 25,570ની સપાટીએ છે.
સેન્સેક્સના 30 શેરોમાંથી 15 શેરમાં ઘટાડો અને 15માં તેજી છે. ટ્રેન્ટ, ઈટરનલ અને એક્સિસ બેંકમાં વધારો છે. કોટક મહિન્દ્રા બેંક, એરટેલ અને M&M ઘટ્યા છે.
નિફ્ટીના 50 શેરોમાંથી 25 શેરમાં ઘટાડો અને 25 શેરમાં તેજી છે. NSEના સરકારી બેંક ઈન્ડેક્સમાં 1.30% નો વધારો થયો છે. ઓટો, મેટલ અને પ્રાઈવેટ બેંકિંગમાં થોડો ઘટાડો જોવા મળી રહ્યો છે.
ગ્લોબલ માર્કેટમાં તેજી
- એશિયન બજારોમાં, જાપાનનો નિક્કેઈ 1.64% વધીને 40,810 પર અને કોરિયાનો કોસ્પી 0.67% વધીને 3,076 પર ટ્રેડ કરી રહ્યો છે.
- હોંગકોંગનો હેંગ સેંગ ઇન્ડેક્સ 0.63% ઘટીને 24,132 પર અને ચીનનો શાંઘાઈ કમ્પોઝિટ 0.20% વધીને 3,431 પર કારોબાર કરી રહ્યો છે.
- 27 જૂનના રોજ, અમેરિકાનો ડાઉ જોન્સ 1% વધીને 43,819 પર બંધ થયો. જ્યારે, નેસ્ડેક કમ્પોઝિટ 0.52% વધીને 20,273 પર અને S&P 500 0.52% વધીને 6,173 પર બંધ થયો.
શુક્રવારે વિદેશી રોકાણકારોએ 12,594 કરોડ રૂપિયાના શેર ખરીદ્યા
- 27 જૂનના રોજ, વિદેશી રોકાણકારો (FII) એ રોકડ સેગમેન્ટમાં રૂ. 1,397.02 કરોડના શેર ખરીદ્યા હતા. તેમજ, સ્થાનિક રોકાણકારો (DII) એ રૂ. 588.93કરોડના શેર વેચ્યા હતા.
- જૂન મહિનામાં અત્યાર સુધીમાં, વિદેશી રોકાણકારોએ રોકડ સેગમેન્ટમાં ₹8,320.48 કરોડની નેટ ખરીદી કરી છે અને સ્થાનિક રોકાણકારોએ ₹69,176.47 કરોડની નેટ ખરીદી કરી છે.
- મે મહિનામાં, વિદેશી રોકાણકારો દ્વારા નેટ ખરીદી રૂ. 11,773.25 કરોડની રહી હતી. તેમજ, સ્થાનિક રોકાણકારોએ પણ મહિનામાં રૂ. 67,642.34 કરોડની નેટ ખરીદી કરી હતી.
આજે ઇન્ડોગલ્ફ ક્રોપ સાયન્સિસ IPOમાં રોકાણ કરવાની છેલ્લી તક
બાયોલોજીકલ પ્રોડક્ટનું ઉત્પાદન કરતી કંપની, ઇન્ડો ગલ્ફ ક્રોપસાયન્સિસનો IPO ગુરુવાર, 26 જૂનથી ખુલ્યો છે. રોકાણકારો 30 જૂન સુધી આ ઇશ્યૂ માટે બોલી લગાવી શકશે. કંપનીના શેર 3 જુલાઈના રોજ બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) પર લિસ્ટેડ થશે.
ગયા અઠવાડિયે સેન્સેક્સ 1651 પોઈન્ટ વધ્યો હતો
અઠવાડિયાના છેલ્લા ટ્રેડિંગ દિવસે, એટલે કે શુક્રવાર, 27 જૂને, સેન્સેક્સ 303 પોઈન્ટ વધીને 84,059 પર બંધ થયો. નિફ્ટી પણ 89 પોઈન્ટ વધીને 25,638 પર પહોંચ્યો.
સેન્સેક્સના 30 શેરોમાંથી 16 વધ્યા અને 14 ઘટ્યા. એશિયન પેઇન્ટ્સના શેરમાં 3.1%નો ઉછાળો નોંધાયો. આ દરમિયાન, અલ્ટ્રાટેક સિમેન્ટ અને પાવર ગ્રીડ સહિત કુલ 11 શેરોમાં 1%થી વધુનો ઉછાળો નોંધાયો. એક્સિસ બેંક અને એટરનલના શેરમાં 1%નો ઘટાડો નોંધાયો.
નિફ્ટીના 50 શેરોમાંથી 30 શેરો વધ્યા અને 20 શેરો ઘટ્યા. NSEના તેલ અને ગેસ ક્ષેત્રમાં સૌથી વધુ 1.19% નો વધારો જોવા મળ્યો. ફાર્મા, મેટલ અને હેલ્થકેર પણ વધીને બંધ થયા. રિયલ્ટીમાં 1.55% નો ઘટાડો થયો.
